న్యూఢిల్లీ: సీబీఐ అధికారులపై 56 కేసులు పెండింగ్‌లో ఉన్నాయని కేంద్ర విజిలెన్స్ కమిషన్ తెలిపింది. ఇటీవల పార్లమెంట్‌లో ప్రవేశపెట్టిన వార్షిక నివేదికలో ఈ వివరాలు వె ల్లడించింది. డిసెంబర్ 31, 2015 నాటికి మొత్తం 56 కేసులకు గాను గ్రూప్ ఏ అధికారులపై 31 కేసులు, గ్రూప్ బి, సి అధికారులపై 25 కేసుల పెండింగ్‌లో ఉన్నట్లు నివేదికలో పేర్కొంది.
19 కేసులు నాలుగేళ్లుగా, 3 కేసులు మూడేళ్లుగా, ఐదు కేసులు రెండేళ్లుగా, ఏడు కేసులు ఏడాదికి పైగా పెండింగ్‌లో ఉన్నాయని సీవీసీ తెలిపింది. 2015లో సీబీఐ 1,135 కేసులు నమోదు చేసిందని, వీటిలో 185 లంచం కేసులు, 67 అక్రమాస్తుల కేసులు ఉన్నాయని నివేదికలో వెల్లడించింది.
