అహ్మదాబాద్‌ : గోఎయిర్‌ విమానానికి పెనుప్రమాదం తప్పింది. అహ్మదాబాద్‌ నుంచి బెంగళూర్‌కు వెళ్లే గోఎయిర్‌ విమానం మంగళవారం ఉదయం టేకాఫ్‌ తీసుకున్న సమయంలో ఇంజన్‌లో మంటలు చెలరేగాయి. సాంకేతిక లోపంతో తలెత్తిన సమస్యను సర్దుబాటు చేశామని గోఎయిర్‌ ప్రతినిధి ఓ ప్రకటనలో వెల్లడించారు. విమాన సిబ్బంది, ప్రయాణీకులు సురక్షితంగా ఉన్నారని, ప్రయాణీకులను దించివేసిన తర్వాత విమానాన్ని రన్‌వే నుంచి తప్పించారు. ఈ ఘటనతో ప్రయాణీకులకు కలిగిన అసౌకర్యానికి చింతిస్తున్నామని గోఎయిర్‌ ప్రతినిది పేర్కొన్నారు.
