సాక్షి, న్యూఢిల్లీ: కరోనా వైరస్‌ వ్యాప్తి నేపథ్యంలో ప్రపంచవ్యాప్తంగా వినబడుతున్న మాట లాక్‌డౌన్‌. చైనాలోని వూహాన్‌ పట్టణంలో మొదలైన లాక్‌డౌన్‌ ప్రపంచ దేశాల మీదుగా ఇప్పుడు ఇండియానూ తాకింది. ఇప్పుడు తెలంగాణ, ఆంధ్రప్రదేశ్‌లోనూ ఈ మాట వినబడుతోంది. (కోవిడ్‌తో ఫ్రాన్స్‌ వైద్యుడు మృతి)
ఏమిటీ కథ..
► లాక్‌డౌన్‌ అనేది ఓ అత్యవసర నిర్వహణ నియమం (ప్రోటోకాల్‌)
► సాధారణ పరిభాషలో దీని అర్థం ఒక ప్రాంతం నుంచి మరో ప్రాంతానికి రాకపోకలను నివారించడం.
► అధికార యంత్రాంగం మాత్రమే ఈ ప్రోటోకాల్‌ను ఉపయోగించే వెసులుబాటు ఉంటుంది.
► తమ పరిధిలోని ప్రజలను రక్షించడానికి పాలకులు ఈ ప్రోటోకాల్‌ను సాధారణంగా ఉపయోగిస్తారు.
► బాహ్య ప్రదేశాల నుంచి ఏదైనా ముప్పు ముంచుకు వస్తున్నప్పుడు లే దా ఇతర బాహ్య సంఘటన నుంచి రక్షించడానికి లాక్‌డౌన్‌ ప్రయోగిస్తారు.
► భవనాలలో లాక్‌డౌన్‌ అంటే తలుపులకు తాళాలు వేయడం. దీనివల్ల ఏ వ్యక్తి లోపలికి రారు, బయటికి పోరు.
► అలాగే, పూర్తి స్థాయి లాక్‌డౌన్‌ (ఫుల్‌ లాక్‌డౌన్‌) అంటే సాధారణంగా ప్రజలు వారు ఉన్న చోటనే ఉండాలి. (కరోనా పరిణామాలే కీలకం..!)
► చెప్పిన చోటు నుంచి ఎవరూ లోపలికి వెళ్లకూడదు. బయటకు రాకూడదు.
► లాక్‌డౌన్‌ రెండు రకాలు. ఒకటి నివారణ లాక్‌డౌన్‌ (ప్రివెంటివ్‌ లాక్‌డౌన్‌), రెండోది ఎమర్జెన్సీ లాక్‌డౌన్‌.
► ప్రజలు, సంస్థల భద్రతను దృష్టిలో పెట్టుకుని ముందస్తు నివారణ చర్యల్లో భాగంగా విధించేది ప్రివెంటివ్‌ లాక్‌డౌన్‌.
► అసాధారణమైన పరిస్థితి లేదా విపత్తును పరిష్కరించడానికి అమలు చేసే ముందస్తు చర్య ఇది. నివారణ చర్యలలో భాగం.
► ముంచుకొచ్చే ముప్పు తీవ్రతను తగ్గించడం దీని ప్రధాన ఉద్దేశం.
► ప్రాణాలకు తక్షణ ముప్పు లేదా ఇతరత్రా ప్రమాదం ముంచుకొస్తున్నప్పుడు ఎమర్జెన్సీ లాక్‌ డౌన్‌ను విధిస్తారు. (కరోనా కట్టడి : లాక్‌డౌన్‌లు సరిపోతాయా?)
