ఆల్ట్రావయొలెట్‌ సిస్టంను ఉపయోగించుకొని ఎలక్ట్రానిక్‌ ఉపకరణాలను, కాగితాన్ని శానిటైజ్‌ చేసే ఈ పరికరాన్ని హైదరాబాద్‌లోని డీఆర్డీఓ విభాగం నిపుణులు తయారు చేశారు. డిఫెన్స్‌ రీసెర్చ్‌ అల్ట్రావయొలెట్‌ శానిటైజర్‌గా పిలిచే ఈ పరికరం లోపల మొబైల్‌ ఫోన్లు, ఐపాడ్లు, కరెన్సీ నోట్లు, చెక్కులు, చలాన్లు, పాసుబుక్కులు ఉంచవచ్చు. అందులోని ప్రత్యేక పరికరం 360 డిగ్రీల్లో యూవీ కిరణాలు ప్రసరింపజేస్తుంది. దీంతో వాటిపై ఉన్న వైరస్‌ నాశనమవుతుంది. శానిటైజేషన్‌ పూర్తవ్వగానే ఆటోమేటిగ్గా స్లీప్‌ మోడ్‌లోకెళుతుంది.
