బెంగళూరు: ఒక కాఫీ షాపులో సీనియర్ ఐపిఎస్ అధికారి ఒకరు తన సెల్తో ఒక యువతిని ఫొటోలు తీశాడు. దాంతో స్థానికులు అతనికి దేహశుద్ధి చేశారు. ఆ యువతి ఇచ్చిన ఫిర్యాదుపై అడిషనల్ డైరెక్టర్ జనరల్ పి.రవీంద్రనాథ్పై పోలీసులు కేసు నమోదు చేశారు. అతనిపై ఐపిసి 354, 506 సెక్షన్ల కింద ఎఫ్ఐఆర్ నమోదు చేశారు.
రవీంద్రనాథ్ అభ్యంతరకరమైన ఫొటోలు తీసినట్లు ఆ యువతి ఫిర్యాదు చేసిందని డిసిపి రవికాంత్ గౌడ్ చెప్పారు. అతనిపై కేసు నమోదు చేశామని, అవసరమైతే అతనిని అరెస్ట్ చేస్తామని చెప్పారు.
ఇదిలా ఉండగా, తాను ఫొటోలు ఏమీ తీయలేదని రవీంద్రనాథ్ చెప్పారు.
