న్యూఢిల్లీ: దేశ రాజధాని ఢిల్లీలో మరోసారి అగ్నిప్రమాదం చోటుచేసుకుంది. ఢిల్లీ నరేలా ఇండస్ట్రియల్‌ ప్రాంతంలోని రెండు ఫ్యాక్టరీల్లో అగ్నిప్రమాదం సంభవించింది. ఈ రెండు ఫ్యాక్టరీల్లో మంటలు ఎగిసిపడుతున్నాయి. రంగంలోకి దిగిన అగ్నిమాపక సిబ్బంది మంటలను అదుపు చేసేందుకు ప్రయత్నిస్తున్నారు. 22 ఫైరింజన్లు సంఘటనా స్థలంలో మంటలను ఆర్పేందుకు ప్రయత్నిస్తున్నాయి. మొదట ఓ షూ ఫ్యాక్టరీలో అగ్నిప్రమాదం సంభవించిందని, అక్కడి నుంచి పక్కనే ఉన్న మరో ఫ్యాక్టరీకి మంటలు వ్యాపించాయని తెలుస్తోంది.
