న్యూఢిల్లీ : ప్రొటెం స్పీకర్గా కాంగ్రెస్ సీనియర్ నేత కమల్నాథ్ బుధవారం ప్రమాణ స్వీకారం చేశారు. రాష్ట్రపతి భవన్లో ప్రణబ్ ముఖర్జీ...ఆయనతో ప్రమాణ స్వీకారం చేయించారు. ఈ కార్యక్రమానికి ఉప రాష్ట్రపతి హమీద్‌ అన్సారీ, ప్రధాన మంత్రి నరేంద్రమోడీ సహా పలువురు ప్రముఖులు హాజరయ్యారు. లోక్‌సభ సమావేశాన్ని కమల్నాథ్ ప్రోటెం స్పీకర్ హోదాలో ప్రారంభించారు. ప్రజలు ఇచ్చిన తీర్పు మేరకు రాజ్యాంగం ప్రకారం ఏ బాధ్యతనైనా సవినయంగా స్వీకరిస్తానని కమల్నాథ్ తెలిపారు.
పార్లమెంట్ సమావేశాలు ఈనెల 11వ తేదీ వరకూ జరుగుతాయి. జూన్ 6వ తేదీన స్పీకర్ ఎన్నిక ఉంటుంది. కాగా స్పీకర్ గా పార్టీ సీనియర్ నాయకురాలు, ఎనిమిదిసార్లు ఇండోర్ నియోజవర్గం నుంచి ఎంపీగా గెలుపొందిన సుమిత్రా మహాజన్ పేరు ఖరారు అయినట్లు తెలుస్తోంది.
