కరోనా: మూడో టెస్టులోనూ పాజిటివ్‌!

25 Mar, 2020 15:15 IST|Sakshi

సాక్షి, న్యూఢిల్లీ: ప్రముఖ గాయని కనికా కపూర్‌కు మూడోసారి నిర్వహించిన కరోనా పరీక్షలోనూ పాజిటివ్‌గా తేలింది. లండన్‌ నుంచి వచ్చిన కనికా కపూర్‌ ఉత్తరప్రదేశ్‌లోని హోటల్‌లో బస చేసిన సంగతి తెలిసిందే. ఈ క్రమంలో పలువరు సెలబ్రిటీలు, రాజకీయ ప్రముఖులను కలిశారు. ఈ నేపథ్యంలో ఆమెకు కరోనా సోకినట్లు వెల్లడి కావడంతో కలకలం రేగింది.

ఇక కొన్నాళ్లపాటు స్వీయ నిర్బంధంలో ఉన్న కనికా కపూర్‌ ప్రస్తుతం సంజయ్‌ గాంధీ పోస్ట్‌ గ్రాడ్యుయేట్‌ ఆఫ్‌ మెడికల్‌ సైన్సెస్‌లో చికిత్స పొందుతున్నారు. ఈ క్రమంలో ఆదివారం, మంగళవారం రాత్రి కనికాకు మరోసారి కరోనా టెస్టు నిర్వహించగా.. మరోసారి పాజిటివ్‌గా తేలినట్లు వైద్యులు వెల్లడించారు. ఆమె ఇంకా కోలుకోలేదని.. ఈ క్రమంలో మరో రెండుసార్లు పరీక్షలు నిర్వహించి నెగటివ్‌గా తేలిన తర్వాతే డిశ్చార్జి చేయనున్నట్లు వెల్లడించారు. ఇక కనికాతో పాటు హోటల్‌ తాజ్‌లో బస చేసిన ఆమె స్నేహితుడు ఓజాస్‌ దేశాయ్‌కు నెగటివ్‌గా తేలినట్లు పేర్కొన్నారు.

Read latest National News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా