సాక్షి, న్యూఢిల్లీ : దేశ రాజధాని ఢిల్లీలోని పత్పార్‌గంజ్‌ పారిశ్రామిక ప్రాంతంలో గురువారం ఉదయం భారీ అగ్నిప్రమాదం చోటుచేసుకుంది. ఈ ప్రాంతంలోని ఓ రెండతస్తుల భవనంలో ఉన్న పేపర్‌ ప్రింటింగ్‌ ప్రెస్‌లో జరిగిన అగ్నిప్రమాదంలో ఓ వ్యక్తి మరణించారు. మంటలను ఆర్పేందుకు ఘటనా స్ధలానికి 32 అగ్నిమాపక యంత్రాలు చేరుకున్నాయి. ప్రమాదంలో తీవ్రంగా గాయపడిన వ్యక్తిని ఆస్పత్రికి తరలించగా అప్పటికే మరణించినట్టు వైద్యులు నిర్ధారించారు. అగ్నిప్రమాద ఘటనపై సమాచారం అందగానే పోలీసులు, అధికారులు హుటాహుటిన ఘటనా స్ధలానికి చేరుకున్నారు.
