సీపీఐ లీడర్ చెంప చెళ్లుమనిపించాడు!

27 May, 2016 09:20 IST|Sakshi

మిడ్నాపూర్: నివాసంలో పుర్రెను ఉంచుకుని దొరికిపోయిన సీపీఐ లీడర్ సుశాంత్ ఘోష్‌ను కోర్టు ప్రాంగణంలో ఓ వ్యక్తి చెంప చెళ్లుమనిపించాడు. ఆ పుర్రె తన బిడ్డదేనని ఆయన తెలిపారు. కోర్టులో విచారణకు హాజరైన ఘోష్ మీడియాతో మాట్లాడుతున్న సమయంలో లోపలికి వచ్చిన మనోరంజన్ సింగ్ అనే వ్యక్తి ఘోష్ ఎడమ చెంపపై కొట్టారు. ఆ పుర్రె తన బిడ్డ స్వపన్ సింగ్‌దని, కొన్నేళ్ల కిందట మిస్ అయిందని తెలిపారు.

ఈ ఘటనతో ఉలిక్కిపడ్డ పోలీసులు వెంటనే సింగ్‌ను అరెస్టు చేశారు. ఈ సంఘటనతో షాక్ తిన్న ఘోష్ తృణమూల్ కాంగ్రెస్ కుట్ర అని ఆరోపించారు. 2011లో ఘోష్ పూర్వీకులకు సంబంధించిన ఇంటి నుంచి మొత్తం 8 పుర్రెలను పోలీసులు సీజ్ చేశారు. దీనిపై విచారణ జరుగుతుండగా.. సుప్రీంకోర్టుకు వెళ్లిన ఘోష్ బెయిల్ తెచ్చుకున్నారు.

Read latest National News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా