ఆర్టికల్‌ 370 రద్దు తర్వాత పాక్‌ చెలరేగిందిలా..

30 Aug, 2019 09:23 IST|Sakshi

శ్రీనగర్‌ : జమ్మూ కశ్మీర్‌కు స్వయం ప్రతిపత్తిని కల్పించే ఆర్టికల్‌ 370 రద్దు అనంతరం వాస్తవాధీన రేఖ వెంబడి పాకిస్తాన్‌ దళాలు ఇప్పటివరకూ 222 సార్లు కాల్పుల విరమణ ఉల్లంఘనకు పాల్పడ్డాయి. ఈ ఏడాది పాక్‌ సైన్యం సరిహద్దుల్లో 1900 సార్లు కాల్పుల విరమణ ఉల్లంఘనలకు పాల్పడగా ఆగస్ట్‌ 5న ఆర్టికల్‌ 370ను రద్దు చేసిన 25 రోజుల్లోనే పాక్‌ 222 సార్లు కాల్పులతో కవ్వింపు చర్యలకు దిగిందని ప్రభుత్వం వెల్లడించిన గణాంకాలు తెలిపాయి. ఆగస్ట్‌ 5 నుంచి పాకిస్తాన్‌ సగటున రోజుకు 10 కాల్పుల విరమణ ఉల్లంఘనలకు దిగిందని వెల్లడైంది. పాక్‌ సైన్యం కవ్వింపు చర్యలతో ఇరు పక్షాల మధ్య కాల్పుల ఘటనలకు దారితీసి ఉద్రిక్తతలు పెరిగాయి. కశ్మీర్‌ అంశాన్ని అంతర్జాతీయ అంశంగా మలిచేందుకు పాకిస్తాన్‌ దుందుడుకు చర్యలకు పాల్పడుతోంది. కాల్పుల విరమణ ఉల్లంఘనలకు పాల్పడటంతో పాటు సరిహద్దు వెంబడి ఉగ్రవాదులను భారత్‌లోకి చొచ్చుకువచ్చేందుకు ప్రేరేపిస్తోంది. పాక్‌ ఆగడాలను భారత సేనలు దీటుగా తిప్పికొట్టడంతో నిరాశలో కూరుకుపోయిన పాక్‌ తన కుయుక్తులకు పదునుపెడుతూనే ఉంది. మరోవైపు గుజరాత్‌ తీరంలోకి సముద్ర మార్గం ద్వారా పాక్‌ కమాండోలు, ఉగ్రవాదులు ఎంటరయ్యేందుకు ప్రయత్నిస్తున్నట్టు భారత నిఘా వర్గాల సమాచారంతో భద్రతను కట్టుదిట్టం చేశారు.

Read latest National News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

క‌రోనా: ఇప్ప‌టివ‌ర‌కు క‌మ్యూనిటీ ట్రాన్సిమిష‌న్‌ లేదు

వృద్ధురాలి మెడపై కరిచిన క్వారంటైన్‌ వ్యక్తి

లాక్‌డౌన్‌ ఉల్లంఘనులకు వినూత్న శిక్ష

పుణే నర్సుకి ప్రధాని ఫోన్‌ 

నేటి ముఖ్యాంశాలు..

సినిమా

బుల్లితెర కార్మికులకు యాంకర్‌ ప్రదీప్‌ చేయూత

కిచెన్‌ స్వాధీనం చేసుకున్న రాజేంద్రప్రసాద్‌

ఏఆర్‌ రెహమాన్‌ కచ్చేరీలు రద్దు 

కరోనా విరాళం

17 ఏళ్లు... 20 సినిమాలు

‘జుమాంజి’ నటికి కరోనా