సాక్షి, న్యూఢిల్లీ : కోవిడ్‌-19 తీవ్రత వృద్ధులపై అధికంగా ఉంటుందని, వారిని జాగ్రత్తగా చూసుకోవాల్సిన అవసరం ఉందని నీతిఆయోగ్‌ సభ్యులు వీకే పాల్‌ సూచించారు. కోవిడ్‌-19 తీవ్రత, మరణాల రేటు వయసు పైబడిన వారిలో అధికంగా ఉంటుందని గణాంకాలు వెల‍్లడిస్తున్న క్రమంలో ఎట్టిపరిస్ధితుల్లో పెద్దలను మనం కాపాడుకోవాల్సి ఉందని కరోనా వ్యాప్తి కట్టడికి ఏర్పాటైన కమిటీకి నేతృత‍్వం వహిస్తున్న పాల్‌ అన్నారు. సీనియర్‌ సిటిజన్ల బాగోగులపై మనం ఈ సమయంలో ప్రత్యేకంగా దృష్టిసారించాలని, కోవిడ్‌-19 వ్యాప్తి నేపథ్యంలో వారిని జాగ్రత్తగా చూసుకోవాలని పేర్కొన్నారు. రోగనిరోధక శక్తిని పెంపొందించుకునేందుకు ప్రజలు చ్యవన్‌ప్రాశ్‌, తులసి, దాల్చినచెక్క, మిరియాలను తీసుకోవాలని సూచించారు. కాగా కరోనా వ్యాప్తితో భారత్‌ ప్రస్తుతం సంక్లిష్ట సవాల్‌ను ఎదుర్కొంటోందని నీతి ఆయోగ్‌ సీఈఓ అమితాబ్‌ కాంత్‌ వ్యాఖ్యానించారు.
