ఢిల్లీలో కిలో ఉల్లి రూ.23

28 Sep, 2019 03:42 IST|Sakshi

న్యూఢిల్లీ: ఉల్లి ధర భారీగా పెరిగిన నేపథ్యంలో ఢిల్లీ వాసులకు ప్రభుత్వం ఊరటనిచ్చే ప్రకటన చేసింది. మార్కెట్‌ రేటుతో పోలిస్తే సగానికే ఉల్లిని అందించే ఏర్పాట్లు చేస్తోంది. ఈ మేరకు ప్రభుత్వం ఆధ్వర్యంలో సెప్టెంబర్‌ 28 నుంచి కిలో ఉల్లిపాయలను రూ.23.90కే విక్రయించనున్నట్లు ముఖ్యమంత్రి అరవింద్‌ కేజ్రీవాల్‌ ప్రకటించారు.

రాష్ట్రంలోని 400 రేషన్‌ షాపులతోపాటు 70 మొబైల్‌ వ్యాన్‌ల ద్వారా ఉల్లిని ప్రజలకు అందించనున్నట్లు తెలిపారు. దీనికోసం రానున్న 5 రోజుల్లో కేంద్రం నుంచి సుమారు లక్ష కిలోల ఉల్లిపాయలను రాష్ట్ర ప్రభుత్వం కొనుగోలు చేయనున్నట్లు పేర్కొన్నారు. అయితే కొన్ని పరిమితులతో మాత్రమే వీటిని కొనుగోలు చేయగలరు. ఒక వ్యక్తికి ఒకసారి కేవలం 5 కిలోల ఉల్లిపాయలను మాత్రమే విక్రయించనున్నట్లు చెప్పారు. ప్రస్తుతం ఢిల్లీలో కిలో ఉల్లి ధర రూ.60 నుంచి రూ.80 దాకా పలుకుతోంది.  

Read latest National News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా