బడా బాబు మాస్క్‌ ఖరీదు రూ.2.89 లక్షలు

4 Jul, 2020 15:39 IST|Sakshi

పుణె : కరోనా వైరస్‌ పుణ్యమా అని మాస్కులు, గ్లౌజులు, శానిటైజర్లు, హ్యాండ్‌వాష్‌ లోషన్లు నిత్య జీవితంలో భాగమయ్యాయి. మాస్క్‌ లేనిదే బయటకు వెళ్లడంలేదు. డాక్ట‌ర్లు కేవ‌లం ఎన్-95 మాస్కులు వాడాల‌ని సూచిస్తున్న‌ప్ప‌టికీ జనం ఏదో ర‌క‌మైన మాస్క్ అయినా చాలులే అని ఫిక్స్ అయ్యారు. మాస్కులు లేక పోతే చిన్న టవల్స్ లేదా కర్చీఫ్‌, చున్నీలు ముఖాలకు చుట్టేసుకుని వైరస్ బారిన పడకుండా జాగ్రత్తలు తీసుకుంటున్నారు.అయితే, మహారాష్ట్రలోని పూణేకు చెందిన ఓ ధనవంతుడు మాత్రం బంగారంతో మాస్కు చేయించుకుని వార్తల్లో నిలిచాడు.
 (చదవండి : కరోనాతో తల్లి మృతి.. పీపీఈ లేకుండానే!)

పింప్రి చించ్‌వాడ‌కు చెందిన శంకర్ కురాడే అనే వ్య‌క్తి సుమారు 2 ల‌క్ష‌ల 89 వేల ఖ‌రీదైన గోల్డెన్ మాస్క్‌ను త‌యారు చేయించుకున్నాడు. ఈ మాస్క్ కోసం సుమారు అయిదున్న‌ర తులాల బంగారం వాడిన‌ట్లు తెలుస్తోంది. బంగారంపై మక్కువతో ఆయన ఈ మాస్కు తయారు చేయించుకున్నట్లు తెలుస్తోంది.  శ్వాస తీసుకోవడానికి ఆ మాస్క్‌కు చిన్న చిన్న రంధ్రాలు కూడా ఉన్నాయి. శంకర్ రోజూ 3 కిలోల బరువుండే బంగారు గొలుసులు, ఉంగరాలు తదితర ఆభరణాలు ధరిస్తాడు. బయటకు వెళ్లేప్పుడు కూడా బంగారు మాస్కునే ధరిస్తున్నాడు. దీంతో జనాలు అతడి మాస్క్‌ను చూసి నోరెళ్లబెడతున్నారు. అయితే, ఈ మాస్కు వైరస్‌ను కట్టడి చేస్తుందా లేదా అనేది కూడా అనుమానమే.

Read latest National News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు