రూ. కోటి నష్టపరిహారం ఇప్పించండి

10 Oct, 2019 07:31 IST|Sakshi
శుభశ్రీ (ఫైల్‌), తండ్రి రవి

బ్యానర్లు ఏర్పాటు చేస్తే.. కఠిన శిక్ష

ప్రత్యేక చట్టానికి పట్టు

కోర్టులో బాధితురాలు శుభశ్రీ తండ్రి పిటిషన్‌

సాక్షి, చెన్నై: తన కుమార్తె మరణాన్ని శుభశ్రీ తండ్రి రవి తీవ్రంగా పరిగణించారు. నష్టపరిహారంగా రూ. కోటి ఇప్పించాలని, బ్యానర్లు అనుమతి లేకుండా ఏర్పాటు చేసే వాళ్లను కఠినంగా శిక్షించే విధంగా ప్రత్యేక చట్టాన్ని తీసుకురావాలని, తన కుమార్తె మృతి కేసును ప్రత్యేక విచారణ బృందం ద్వారా దర్యాప్తు చేయించాలని పట్టుబడుతూ ఆయన మద్రాసు హైకోర్టులో బుధవారం పిటిషన్‌ దాఖలు చేశారు.గత నెల పల్లావరం సమీపంలో బ్యానర్‌ మీద పడడంతో కింద పడ్డ శుభశ్రీ మీదుగా నీళ్ల ట్యాంకర్‌ వెళ్లడంతో ఆమె మృతిచెందిన విషయం తెలిసిందే. ఈ ఘటన పెనుదుమారాన్ని రేపింది. ఈ ఘటనతో ఫ్లెక్సీలు, బ్యానర్లపై అధికార వర్గాలు కొరడా ఝుళిపించే పనిలో పడ్డాయి. శుభశ్రీ మరణానికి కారణంగా ఉన్న బ్యానర్‌ను ఏర్పాటు చేసిన వాళ్లను అరెస్టు చేసి కటకటాల్లోకి నెట్టారు. ఇక,  కెనడా వెళ్లాల్సిన శుభశ్రీ కాటికి వెళ్లడంతో ఆ కుటుంబం శోకసంద్రంలో మునిగింది. ఆ కుటుంబాన్ని అన్ని రాజకీయ పక్షాల నేతలు పరామర్శిస్తూ వస్తున్నారు. అలాగే, బ్యానర్లు, ఫ్లెక్సీలపై తీవ్ర ఆగ్రహంతో ఉన్న మద్రాసు హైకోర్టు సైతం స్పందించింది. ఆ కుటుంబానికి తాత్కాలిక సాయంగా రూ. ఐదు లక్షలు అందజేయాలని ఆదేశాలు జారీ చేసింది.

ఈ కేసు విచారణ సమయంలో బుధవారం శుభశ్రీ తండ్రి రవి కోర్టులో ఓ పిటిషన్‌ వేశారు. అందులో తన ఆవేదనను వ్యక్తం చేశారు. తన కుమార్తె భవిష్యత్తు, కన్న కలల గురించి గుర్తు చేశారు. తన కుమార్తె మరణం కేసును ప్రత్యేక విచారణ బృందం ద్వారా దర్యాప్తు చేయించాలని విజ్ఞప్తి చేశారు. ఈ కేసులో మరిన్ని విషయాలు వెలుగులోకి రావాల్సిన అవసరం ఉందని, అందుకే ప్రత్యేక విచారణ బృందాన్ని కోరుతున్నట్టు పట్టుబట్టారు. అలాగే, బ్యానర్లు, ఫ్లెక్సీలు అనుమతి లేకుండా ఏర్పాటు చేసే వాళ్లతో కఠినంగా వ్యవహరించాల్సిన అవసరం ఉందని పేర్కొన్నారు. శిక్షలు మరీ కఠినంగా ఉండే రీతిలో ప్రత్యేక చట్టం తీసుకొచ్చేవిధంగా ప్రభుత్వాన్ని ఆదేశించాలని కోరారు.ఇక, తన కుమార్తె మరణం దృష్ట్యా, రూ.కోటి నష్ట పరిహారం ఇప్పించాలని, ఇలాంటి ఘటనలు పునరావృతం కాకుండా ఉండాలంటే, చట్టాల్ని కఠినత్వం చేయాలని కోరారు. ఈ పిటిషన్‌ గురువారం దసరా సెలవుల నిమిత్తం ఏర్పాటు చేసిన ప్రత్యేక బెంచ్‌ ముందుకు విచారణకు వచ్చే అవకాశాలు ఉంది. అయితే, ఈ బెంచ్‌ ఏదేని ఆదేశాలు ప్రభుత్వానికి ఇచ్చేనా, లేదా, సామాజిక కార్యకర్త ట్రాఫిక్‌ రామస్వామి ఇప్పటికే దాఖలు చేసి ఉన్న పిటిషన్‌తో కలిసి సంబంధిత బెంచ్‌ విచారణకు ఆదేశించేనా అన్నది వేచి చూడాల్సిందే.

Read latest National News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

ముందంజలో బీజేపీ–శివసేన!

చిరుత దాడి నుంచి తమ్ముడిని రక్షించిన బాలిక

కేజ్రీవాల్‌ విదేశీ పర్యటనకు అనుమతి నిరాకరణ

ఆ అవార్డ్‌ ఇచ్చింది బీజేపీ ప్రభుత్వం కాదా?

ఉల్లి బాటలో టమాట..

ఈనాటి ముఖ్యాంశాలు

ఆర్టికల్‌ 370: తొలి ఎన్నికలను బహిష్కరించిన కాంగ్రెస్‌

‘నువ్వు ఫైల్స్‌ చూడు.. నేను పేలు చూస్తా’

చిరుత దాడి : తమ్ముడిని కాపాడింది కానీ..

ఆ కుటుంబాలకు రూ 5.5 లక్షల పరిహారం

పోలవరం ప్రాజెక్టుపై ఢిల్లీ హైకోర్టులో పిటిషన్‌

సల్మాన్‌ ఖుర్షీద్‌ సంచలన వ్యాఖ్యలు

‘భయ్యా.. మా చిన్నప్పుడు ఇలానే ఉండేది’

ఈసారి వర్షాల్లో దూకుడెందుకు?

కేంద్ర ప్రభుత్వ ఉద్యోగులకు దీపావళి కానుక

‘ఏ దేశంపై దాడి చేసే ఉద్దేశం లేదు’

‘సర్దుకున్నాక రాష్ట్ర హోదా’

ఈనాటి ముఖ్యాంశాలు

‘పండుగలు మన విలువలకు ప్రతీక’

తొలి రఫేల్‌ జెట్‌ను అందుకున్న రాజ్‌నాథ్‌..

తలుపులు పేలాయ్‌.. అద్దాలు పగిలాయ్‌

మందగమనంతో కొలువుల కోత

కాంగ్రెస్‌ పార్టీకి మరో ఎదురుదెబ్బ

కశ్మీర్‌లో ఆంక్షల ఎత్తివేత

ఇమ్రాన్‌కు ఆరెస్సెస్‌ చీఫ్‌ కౌంటర్‌

మూకదాడులు దేశ ప్రతిష్టకు భంగం: భగవత్‌

భారత భూభాగంలో పాక్‌ డ్రోన్‌..

వైరల్‌ వీడియో: సైనికుల గార్భా డాన్స్‌ !

బీజేపీ కూటమికి రెబెల్స్‌ బెడద

‘వాహన’ నేరాలకూ ఐపీసీ వర్తింపు: సుప్రీం

ఆంధ్రప్రదేశ్
తెలంగాణ
సినిమా

నటుడు శింబుపై నిర్మాత ఫిర్యాదు

బోల్డ్‌ కంటెంట్‌ కథలో భాగమే

ప్రేమతో రంగ్‌ దే

చిరు152షురూ

కొత్త ప్రయాణం

నా జీవితంలో ఇదొక మార్పు