ఉద్ధవ్‌ ఠాక్రే... మీ ఫోటోగ్రఫీ చాలా బాగుంది

27 Dec, 2019 16:37 IST|Sakshi

ముంబయి : ఈ మధ్యనే మహారాష్ట్ర ముఖ్యమంత్రిగా ప్రమాణస్వీకారం చేసిన ఉద్ధవ్‌ ఠాక్రే తాజాగా ఇన్‌స్టాగ్రామ్‌లో కొన్ని ఫోటోలను షేర్‌ చేశారు. అవి ప్రకృతి సౌందర్యాన్ని ప్రతిభింబిస్తూనే ఆయనలో మరో కోణం ఉందనే అభిప్రాయాన్ని కలిగించేలా ఆ చిత్రాలు ఉండడం విశేషం. ఉదయిస్తున్న సూర్యుడి వెలుగులో పూలతో నిండిన తోట, రణతంబోర్‌ టైగర్‌, కెనెడాకు చెందిన పొలార్‌ ఎలుగుబంటి లాంటివి ఆయన తీసిన వాటిలో ఉన్నాయి. ఈ ఫోటోలకు ' ఐఫోన్‌ షాట్‌' అనే క్యాప్షన్‌ జత చేశారు.

iPhone shot

A post shared by @ uddhavthackeray on

ఈ ఫోటోలను ఇన్‌స్టాగ్రామ్‌లో షేర్‌ చేయడంతో చాలా మందిని ఆకర్షించాయి. అంతేకాదు పోస్ట్ చేసిన ఒక రోజు వ్యవధిలోనే 15 వేలకు పైగా లైక్స్‌ వచ్చి చేరాయి. ' మీ ఐఫోన్‌తో తీసిన ఫోటోగ్రఫీ చాలా బాగుంది. ఉదయిస్తున్న సూర్యుడి ప్రతిబింబం మీ చిత్రానికి అందాన్నిస్తుంది' అంటూ ఒకరు కామెంట్‌ చేశారు. ' మీ ఫోటో క్లిక్‌ బాగుంది. ఫ్రేమ్‌ సెలక‌్షన్‌ ఇంకా బాగుంది' అంటూ పలువురు పేర్కొన్నారు. వైల్డ్‌లైప్‌ ఫొటోగ్రఫీ తన అభిరుచి అని ఉద్దవ్‌ ఇదివరకే స్పష్టం చేశారు.

Gir India

A post shared by @ uddhavthackeray on

మరిన్ని వార్తలు