తిరువనంతపురం: కేరళ సీఎంగా పినరయి విజయన్ ఈ నెల 25న ప్రమాణస్వీకారం చేయనున్నారు. తిరువనంతపురంలోని సెంట్రల్ స్టేడియంలో ఎల్డీఎఫ్ కేబినెట్ ప్రమాణ స్వీకారం చేస్తుందని ఆయన శనివారం తెలిపారు. ఆదివారం కూటమి పార్టీలు సమావేశమై మంత్రివర్గ కూర్పుపై చ ర్చిస్తాయన్నారు. అనంతరం పార్టీ సీనియర్ నేత వి.అచ్యుతానందన్‌ను ఆయన ఇంట్లో కలసి ప్రమాణస్వీకారంపై చర్చించారు.
ప్రమాణానికి హాజరుకావాలని కోరారు. నిత్యావసరాల ధరలు తగ్గించేందుకు చర్యలు తీసుకోవాలని అచ్యుతా నందన్ సూచించారు. కాగా, ఈ నెల 27న పశ్చిమ బెంగాల్ సీఎంగా మమతా బెనర్జీ ప్రమాణానికి ప్రధాని మోదీతో పాటు పలువురు విదేశీ ప్రముఖులకు ఆహ్వానాలు వెళ్లాయి.
