ముంబై: బీజేపీ ప్రధాని అభ్యర్ధి నరేంద్రమోడీకి బాలీవుడ్ నటుడు వివేక్ ఒబెరాయ్ మద్దతు తెలిపారు. మోడీని కర్మయోగి, వికాస్ పురుష్ అని వివేక్ కితాబిచ్చారు. దేశానికి మోడీ సేవలు ఎంతో అవసరమని వివేక్ తెలిపారు. గుజరాత్ లో అభివృద్ది చూపిన నేత అని బాలీవుడ్ నటుడు ప్రశంసలతో ముంచెత్తారు.
గుజరాత్ లో 18 వేల గ్రామాలకు విద్యుత్ సౌకర్యాన్ని అందించారన్నారు. మోడీ తక్కువ మాట్లాడుతారని.. ఎక్కువ పనిచేస్తారని ఆయన అన్నారు. బాలీవుడ్ లో ప్రతి ఒక్కరు మోడీకి ఓటు వేయాలని వ్యక్తిగతం అభ్యర్థిస్తున్నానని వివేక్ తెలిపారు.
రాజకీయాలను, సిద్దాంతాలన్నింటిని పక్కన పెట్టి హిందు, ముస్లీం, దళితులు ఓటు వేయాలన్నారు. ముంబైలో ఏప్రిల్ 24 తేదిన ఎన్నికల జరుగనున్నాయి.
