సన్నాహక సమావేశాలు నిర్వహిస్తున్న ఏఐసీసీ నేతలు
గల్ఫ్‌ డెస్క్‌: ఏఐసీసీ అధ్యక్షుడు రాహుల్‌గాంధీ ఈ నెల 11, 12 తేదీలలో దుబాయిలో పర్యటించనున్నారు. దుబాయి క్రికెట్‌ స్టేడియంలో గల్ఫ్‌ ఎన్నారైలతో జరిగే ముఖాముఖిలో పాల్గొంటారు. కేరళ మాజీ ముఖ్యమంత్రి ఉమెన్‌చాందీ,ఏఐసీసీ కార్యదర్శి హిమాన్షు సి.వ్యాస్‌ గతకొన్ని రోజులుగా దుబాయిలో ఉండి సన్నాహక సమావేశాలు నిర్వహిస్తున్నారు. ఇండియన్‌ ఓవర్సీస్‌ కాంగ్రెస్‌ (ఐఓసీ) మిడిల్‌ ఈస్ట్‌ (మధ్య ప్రాశ్చ) కన్వీనర్‌ మన్సూర్‌ పల్లూర్‌ రాహుల్‌ పర్యటన ఏర్పాట్లను పర్యవేక్షిస్తున్నారని, అన్ని గల్ఫ్‌ దేశాల నుంచి ఎన్నారైలు ఇందులో పాల్గొంటారని పీసీసీ ఎన్నారై సెల్‌ దుబాయి కన్వీనర్‌ ఎస్‌.వేణురెడ్డి తెలిపారు.
