ప్రజాస్వామ్యానికి ప్రమాదం చంద్రబాబే 

28 May, 2020 04:36 IST|Sakshi

వైఎస్సార్‌సీపీ ఎమ్మెల్యే అంబటి రాంబాబు ధ్వజం

ప్రతిపక్ష నేత హోదాను కూడా సక్రమంగా నిర్వర్తించట్లేదు

రాష్ట్ర ప్రభుత్వాన్ని విమర్శించే నైతిక హక్కు ఆయనకు లేదు

టీడీపీ పతనమవుతున్న రాజకీయ పార్టీ 

సాక్షి, అమరావతి: టీడీపీ నిర్వహిస్తున్న మహానాడులో ప్రతిపక్ష నేత చంద్రబాబు, టీడీపీ నేతలు గత ఎన్నికల్లో ఎందుకు ఘోరంగా ఓడిపోయారో ఆత్మవిమర్శ చేసుకోవాలని వైఎస్సార్‌సీపీ ఎమ్మెల్యే అంబటి రాంబాబు హితవు పలికారు. వైఎస్సార్‌సీపీ ప్రభుత్వాన్ని విమర్శించే నైతిక హక్కు చంద్రబాబుకు ఏ కోశానా లేదని స్పష్టం చేశారు. గత ఎన్నికల్లో టీడీపీతోపాటు చంద్రబాబు కుమారుడు లోకేశ్‌ ఘోర పరాజయం పాలయ్యారని గుర్తు చేశారు. చంద్రబాబుకు అధికార కాంక్ష తప్ప రాష్ట్రంపై ఏ మాత్రం చిత్తశుద్ధి లేదని విమర్శించారు. ప్రభుత్వాన్ని విమర్శించి లబ్ధి పొందాలన్నదే ఆయన తాపత్రయమని ఆగ్రహం వ్యక్తం చేశారు. బుధవారం పార్టీ కేంద్ర కార్యాలయంలో అంబటి రాంబాబు మీడియాతో మాట్లాడారు. ఈ సందర్భంగా  ఏమన్నారంటే..  

► సింగపూర్, మలేషియాలతోపాటు ప్రపంచంలో ఏ దేశంలోనూ లేని రాజధానిని నిర్మిస్తున్నానన్న అమరావతి ప్రాంతంలోనే మంగళగిరిలో చంద్రబాబు కుమారుడు నారా లోకేశ్‌ ఓడిపోయి సంవత్సరం పూర్తైంది. ముఖ్యమంత్రి వైఎస్‌ జగన్‌మోహన్‌రెడ్డిని విమర్శించే ముందు చంద్రబాబు ఈ అవమానకర ఓటమిపై ఎందుకు ఆత్మవిమర్శ చేసుకోవడం లేదు?  
► ప్రభుత్వంపై విమర్శలు చేసే ముందు చంద్రబాబు ఆలోచించాలి. 23 మంది ఎమ్మెల్యేల్లో ముగ్గురు టీడీపీ నుంచి తప్పుకున్నారు. మరికొందరు కూడా పోతున్నారని మీడియా ద్వారా తెలుస్తోంది. 
► ప్రజలు చంద్రబాబుకు ప్రధాన ప్రతిపక్ష నేత హోదా ఇస్తే దాన్ని కూడా సక్రమంగా నిర్వర్తించలేకపోతున్నారు. రాష్ట్రం కష్టాల్లో ఉండి కరోనాతో ప్రజలు బాధపడుతున్నప్పుడు 65 రోజులపాటు హైదరాబాద్‌లోని స్వగృహంలో దాక్కున్నారు.  
► ప్రభుత్వాన్ని విమర్శించే స్థాయి టీడీపీ నేతలకు లేదు. టీడీపీ పతనమవుతున్న రాజకీయ పార్టీ. మహానాడులో టీడీపీ పతనంపై ఆత్మవిమర్శ చేసుకోవాలి.  
► ప్రజాస్వామ్యానికి ప్రమాదం తెచ్చింది.. చంద్రబాబే. గతంలో ఆయన దుర్మార్గంగా పాలన సాగించారు. 
► చంద్రబాబు పాలనలో టీడీపీ శ్రేణులకే సంక్షేమ పథకాలు అందాయి.   
► వైఎస్‌ జగన్‌మోహన్‌రెడ్డి పాలనలో కుల, మత, రాజకీయ పార్టీలకతీతంగా అందరికీ సంక్షేమ పథకాలు అందుతున్నాయి. 
► కరోనా కట్టడి విషయంలో రాష్ట్ర ప్రభుత్వ చర్యలను కేంద్రం కూడా ప్రశంసిస్తోంది.  

Read latest Politics News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా