వీవీ ప్యాట్‌లన్నీ లెక్కించాలి

21 May, 2019 03:25 IST|Sakshi

సీఎం చంద్రబాబు డిమాండ్‌

తాము వేసిన ఓటుపై ప్రజలకు అనుమానం ఉండొద్దు  

ఈవీఎంల ఫ్రీక్వెన్సీ మార్చే అవకాశం ఉందంటున్నారు  

ఈ ఎన్నికల్లో నూటికి వెయ్యి శాతం గెలిచేది టీడీపీయే

సాక్షి, అమరావతి: ఎలక్ట్రానిక్‌ ఓటింగ్‌ యంత్రాల(ఈవీఎం) ఫ్రీక్వెన్సీ మార్చే అవకాశం ఉందని అన్నిచోట్లా చెబుతున్నారని, తాను ఢిల్లీ వెళితే దీనిపైనే చర్చిస్తున్నారని సీఎం చంద్రబాబు అన్నారు. ఆయన సోమవారం ఉండవల్లిలోని ప్రజావేదికలో మీడియా సమావేశంలో మాట్లాడారు. ఈవీఎంలు, సెల్‌ఫోన్లు తయారు చేసే ప్రోగ్రామర్‌ ఒక్కరేనని, వారి కంట్రోల్‌లోనే అంతా జరుగుతుందని చెప్పారు. కారు స్టార్ట్‌ చేసినట్లు, ఏసీ, టీవీలను రిమోట్‌తో ఆన్‌ చేసినట్లు ఈవీఎంలను కూడా మానిటర్‌ చేసే అవకాశం ఉందన్నారు. వీవీ ప్యాట్‌ల ప్రింటర్లను మార్చే అవకాశం ఉంటుందని అంటున్నారని, ఉన్న ఈవీఎంలను మార్చివేసి కొత్త ఈవీఎంలను పెడుతున్నారని చెబుతున్నారని, ఇవన్నీ ఎన్నికల ప్రక్రియపై అనుమానాలు కలిగిస్తున్నాయని పేర్కొన్నారు. వీవీ ప్యాట్‌లన్నింటినీ లెక్కించాలని, వీవీ ప్యాట్‌ స్లిప్‌ తీసుకుని, తమ ఓటు తాము వేసిన వారికే పడిందో లేదో ఓటరు చూసుకుని, ఒక బాక్సులో వేసేలా చర్యలు తీసుకోవాలని డిమాండ్‌ చేశారు. దేశంలో అన్ని పార్టీలు ఈవీఎంలను కాపాడుకునే పనిలో బిజీగా ఉన్నాయన్నారు. చంద్రబాబు ఇంకా ఏం మాట్లాడారంటే... 

వీవీ ప్యాట్‌లు పెట్టించింది నేనే... 
‘‘తమకు 300 ఎంపీ సీట్లు వస్తాయని బీజేపీ నేతలు అంటున్నారు. సర్వేలన్నీ వారికి 300 సీట్లు వస్తాయని చెబుతున్నాయి. దీన్నిబట్టి చూస్తే ఈవీఎంలలో ఏదో జరుగుతోందనే అనుమానాలకు బలం చేకూరుతోంది. ఈవీఎంలు, వీవీ ప్యాట్‌ల లెక్కల్లో తేడా వస్తే ఏం చేయాలి? తేడా వచ్చిన చోట మిగిలిన వీవీ ప్యాట్‌లన్నింటినీ లెక్కించాలని 23 రాజకీయ పార్టీలు డిమాండ్‌ చేస్తున్నాయి. ఇటీవల జరిగిన పరిణామాలు ఎన్నికల సంఘం విశ్వసనీయతను ప్రశ్నార్థకం చేశాయి. ఎన్నికల నోటిఫికేషన్‌ దగ్గర్నుంచి ప్రధాని మోదీ కేదార్‌నాథ్‌లో ధ్యానం చేసి పోలింగ్‌ను ప్రభావితం చేసే వరకూ చాలా అంశాలున్నాయి. రాష్ట్రంలో అవసరమైనప్పుడు  కేంద్ర బలగాలను పంపలేదు, ఇప్పుడు పంపుతున్నారు. అన్ని పార్టీలను ఏకంచేసి, వీవీ ప్యాట్‌లు పెట్టించిందని నేనే. వాటిపై మాజీ సీఈసీ ఖురేషీకి నేనే ఐడియా ఇచ్చా. వీవీ ప్యాట్‌ల లెక్కింపుపై మా పోరాటం కొనసాగుతుంది. తమ ఓటు తాము అనుకున్న వారికే పడిందో లేదో అనే అనుమానం ప్రజలకు ఉండకూడదు. ఈ సమస్యకు పరిష్కారం లభించేదాకా పోరాడుతాం. ఎన్నికల నిర్వహణపై ఎన్నికల సంఘంలోనే లుకలుకలు తలెత్తాయి. రూ.9 వేల కోట్ల ఖర్చుతో వీవీప్యాట్‌లు పెట్టారు. అంత లగ్జరీ అవసరమా? ఎన్నికల సంఘం కఠినంగా వ్యవహరించాల్సిన అవసరం ఉంది. 

33 ఏళ్లుగా సర్వేలు చేస్తున్నా..
సర్వేలు చేయడం ఇప్పుడు అందరికీ అలవాటైపోయింది. నేను 33 సంవత్సరాల నుంచి సర్వేలు చేస్తున్నా. ఈ ఎన్నికల్లో నూటికి వెయ్యి శాతం గెలిచేది తెలుగుదేశం పార్టీయే. ఎలాంటి అనుమానం అవసరం లేదు. మేమే ప్రభుత్వం ఏర్పాటు చేస్తున్నాం. ఎగ్జిట్‌ పోల్స్‌ ఫలితాలను చూసి వైఎస్సార్‌ కాంగ్రెస్‌ పార్టీ నాయకులు ఆనందపడిపోతున్నారు, అప్పుడే మంత్రివర్గం కూడా తయారు చేసుకుంటున్నారు. ఎగ్జిట్‌ పోల్స్‌ ఫలితాలను గతంలో వన్‌సైడ్‌గా ఇచ్చారు, ఇప్పుడు మిశ్రమంగా ఇచ్చారు. 

ఎగ్జిట్‌ పోల్స్‌ చూసి భయపడొద్దు
ఉండవల్లి నుంచి టీడీపీ నాయకులు, కార్యకర్తలతో చంద్రబాబు టెలికాన్ఫరెన్స్‌లో మాట్లాడారు. ఎగ్జిట్‌ పోల్స్‌ ఫలితాలను చూసి భయపడవద్దని చెప్పారు. మన ప్రభుత్వమే వస్తుందని అన్నారు. 18 నుంచి 20 ఎంపీ స్థానాల్లో గెలుస్తున్నామని, 110 అసెంబ్లీ స్థానాలతో మొదలై 120–130 వరకూ వచ్చే అవకాశం ఉందని పేర్కొన్నారు. వైఎస్సార్‌ కాంగ్రెస్‌ పార్టీ మైండ్‌గేమ్‌తో గందరగోళం సృష్టించే ప్రయత్నాలు చేస్తోందని ఆరోపించారు. ఎన్నికల అక్రమాలపై మంగళవారం అన్ని పార్టీలతో కలిసి ఢిల్లీలో ధర్నా చేస్తున్నామని చెప్పారు. ఆ తర్వాత రాష్ట్రపతిని కలుస్తామన్నారు.  

Read latest Politics News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

300 కిలోల కేక్‌ కట్‌ చేసిన పుష్ప శ్రీవాణి

విజయసాయి రెడ్డికి కీలక బాధ్యతలు

తనయుడిపై లైంగిక ఆరోపణలు.. తండ్రి రాజీనామా!

రైతులకు పింఛన్లు, ప్రతీ ఇంటికి నీటి సరఫరా!

హరీష్‌రావుకు సవాల్‌ విసిరిన జగ్గారెడ్డి

ప్రతినిధి బృందం పర్యటన.. చెలరేగిన హింస

ప్రభుత్వాస్పత్రిలో ముఖ్యమంత్రికి శస్త్రచికిత్స

వారి కూటమితోనే మాకు భారీ విజయం..

‘అది చంద్రబాబు, ఆయన తాత ఆస్తి కాదు’

చంద్రబాబు ఫోటో ఎందుకు తీశారంటూ...

బీజేపీలో చేరిన ముగ్గురు చంద్రబాబు బినామీలే

అంతా మీ వల్లే.. 

‘జమిలి’ ఆలోచనకు 20 ఏళ్లు

ఆ నలుగురు ఎంపీలది అవకాశవాదం

లోక్‌సభలో ‘ట్రిపుల్‌ తలాక్‌’ రగడ

కేసుల భయంతోనే!

విలీనంపై తాపీగా ఫిర్యాదు!

ఆటలో గవ్వలు సరిగ్గా పడాలి

భూముల సర్వే నిర్వహిస్తాం : రెవెన్యూ మంత్రి

పార్టీ మారిన నలుగురు ఎంపీలపై కేంద్రమంత్రి..

ప్రతిపక్షనేత ఆచూకీ చెపితే.. బహుమతి

యోగా డే నాడు గందరగోళం

బీజేపీలో చేరినా కేసులు ఎదుర్కోక తప్పదు: జీవీఎల్‌

మోదీని కలిసి శుభాకాంక్షలు తెలిపిన కేజ్రీవాల్‌

‘కాళేశ్వరానికి ఆహ్వానం లేదన్న బాధలో హరీష్‌’

అల్లర్లకు వ్యతిరేకంగా బీజేపీ నిరసనలు

కేసీఆర్‌ కుడి భుజాన్నే ఓడించాం: లక్ష్మణ్‌

ఆ నలుగురిపై అనర్హత వేటు వేయండి..

జవాన్‌ మృతదేహంపై పార్టీ జెండా

‘ఖురాన్‌లో ఏముంటే దానికే మా పార్టీ మద్ధతు’

ఆంధ్రప్రదేశ్
తెలంగాణ
సినిమా

నగ్నంగా ఇరవై రోజులు!

నా వయసు పది!

జై సేన విజయం సాధించాలి

ఆగస్టులో ఆరంభం

రొమాంటిక్‌ ఎంటర్‌టైనర్‌

ఇలాంటి సినిమాలనే యూత్‌ ఆదరిస్తున్నారు