ప్రగతి భవన్‌ నుంచి బయటకు రా!

1 Sep, 2019 07:25 IST|Sakshi
రోగిని పరామర్శిస్తున్న భట్టి, జీవన్‌రెడ్డి, పొన్నం తదితరులు 

పార్టీ కుమ్ములాటలు ప్రజలకు ఎందుకు?

సీఎం కేసీఆర్‌పై కాంగ్రెస్‌ నేత భట్టి ధ్వజం 

అధ్వానంగా ప్రభుత్వ ఆస్పత్రులు

ఐదేళ్లలో ఒక డాక్టర్‌ నియామకం లేదు

కరీంనగర్, పెద్దపల్లి ఆస్పత్రుల సందర్శన 

పెద్దపల్లి/కరీంనగర్‌/కాటారం: ప్రజా వైద్యంపై ప్రభుత్వం నిర్లక్ష్యంగా వ్యవహరిస్తోందని కాంగ్రెస్‌ నేత భట్టి విక్రమార్క విమర్శించారు. శనివారం ఆయన కరీంనగర్, పెద్దపల్లి ప్రభుత్వ ఆస్పత్రులను సందర్శించారు. ఆస్పత్రిలోని పలు వార్డులను పరిశీలించారు. రోగులకు అందుతున్న సేవల గురించి అడిగి తెలుసుకున్నారు. ఈ సందర్భంగా వేర్వేరు ప్రాంతాల్లో ఆయన విలేకరులతో మాట్లాడారు. రాష్ట్రంలో ప్రభుత్వాస్పత్రులు అధ్వానంగా ఉన్నాయని ఆందోళన వ్యక్తం చేశారు. ‘‘ప్రజలు మీకు రెండు సార్లు అధికారం ఇచ్చారు. కానీ ప్రగతిభవన్‌ గడప దాటడం లేదు.. ఒక్కసారి ప్రభుత్వ ఆస్పత్రుల దుస్థితి చూడండి’’అంటూ ముఖ్యమంత్రి కేసీఆర్‌నుద్దేశించి వ్యాఖ్యానించారు. టీఆర్‌ఎస్‌ పాలనలో వైద్య ఖర్చుల కోసం ప్రభుత్వం నయా పైసా విడుదల చేయలేదని, డాక్టర్ల రిక్రూట్‌మెంట్‌ జరగలేదని విమర్శించారు.

ప్రజల కష్టాలను పట్టించుకోకుండా పార్టీ కుమ్ములాటలు ప్రజల మీదికి రుద్దే ప్రయత్నం చేస్తున్నరని మండిపడ్డారు. పార్టీలో ఎవరు ఓనర్లు, ఎవరు సైనికుల విషయం ప్రజలకు అవసరమా అని ప్రశ్నించారు. అంతర్గత కుమ్ములాటలతో ప్రజాసమస్యలను మర్చిపోయారని మండిపడ్డారు. రాష్ట్ర వ్యాప్తంగా ఆరోగ్యశ్రీ సేవలు కూడా ఆశించిన మేరకు లేవన్నారు. ప్రభుత్వం విద్య, వైద్యరంగాన్ని నిర్లక్ష్యం చేస్తోందని, ప్రభుత్వం కళ్లు తెరిపించేం దుకు రాష్ట్ర వ్యాప్తంగా ఆస్పత్రులను సందర్శిస్తున్నామని చెప్పారు. వైద్యారోగ్య శాఖ మంత్రి జిల్లాకు చెందిన వాడై ఉన్నప్పటికీ ఇక్కడ రోగులకు కనీస వైద్యం అందడం లేదని విమర్శించారు. తాను ఎవరి నుంచి పైసాకూడా తీసుకోలేదని మంత్రి ఈటల రాజేందర్‌ చేసిన వ్యాఖ్యలపై అనుమానాలకు తావిస్తోందని చెప్పారు. 

కాళేశ్వరం..ఓ పెద్ద స్కాం
కాళేశ్వరం ప్రాజెక్టు వెనుక ఓ పెద్ద స్కాం దాగి వుందని భట్టి విక్రమార్క ఆరోపించారు. జయశంకర్‌ భూపాలపల్లి జిల్లా కాటారం మండల కేంద్రంలో ఆయన మాట్లాడారు. ఎకరా భూమికి నీరందించకుండానే సీఎం కేసీఆర్‌ ప్రాజెక్ట్‌ను ప్రారంభించడం శోచనీయమన్నారు. ప్రపంచ, ఆర్థిక బ్యాంకులు తక్కువ వడ్డీకే రుణాలు ఇచ్చే అవకాశం ఉన్నప్పటికీ ప్రాజెక్టు పేరిట కోట్లాది రూపాయలు ప్రైవేట్‌రంగ బ్యాంకుల నుంచి అధిక వడ్డీకి అప్పు తెచ్చి అడ్డగోలు దోపిడి చేశారని విమర్శించారు. త్వరలోనే కాళేశ్వరం ప్రాజెక్టును సందర్శించి కేసీఆర్‌ అవినీతి భాగోతాన్ని ఆధారాలతో బయటపెడతామని చెప్పారు. ఆయన వెంట ఎమ్మెల్యే శ్రీధర్‌బాబు, ఎమ్మెల్సీ జీవన్‌రెడ్డి, మాజీ ఎంపీ పొన్నం ప్రభాకర్‌ తదితరులు ఉన్నారు.

Read latest Politics News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

గులాబీ జెండా ఓనర్‌..

నిర్మలా సీతారామన్‌కు కేవీపీ లేఖ

తండ్రికి శత్రువు.. కుమారుడికి మిత్రుడు

బీజేపీ టార్గెట్‌ ఆ రెండు రాష్ట్రాలేనా?

రాజస్తాన్‌ సీఎంకు ఏచూరి లేఖ

ఎక్కడో పుట్టి..ఎక్కడో పెరిగి..మీరేనా?!

‘కన్‌ఫ్యూజన్‌’లో కాంగ్రెస్‌ పార్టీ

‘కేసీఆర్‌ వ్యతిరేక, అనుకూల వర్గాలుగా బీజేపీ’

నేను కరుణానిధిని కాను.. కానీ...

ఆడియో, వీడియో సాక్ష్యాలున్నాయి: తమ్మినేని

ప్రాజెక్టుల పేరుతో దోపిడీ

ఈటలపై కుట్ర పన్నితే సహించం

‘ఆ పార్టీ కార్యకర్తలంతా వ్యభిచారులే’

రేషన్‌ కార్డులు తొలగిస్తారని భయపడొద్దు 

నవ్విపోదురు గాక మాకేటి సిగ్గు 

టీడీపీకి ‘రాజా’నామా.. ‘తోట’దీ అదే బాట

పవన్‌ పర్యటనలో టీడీపీ నేతలు

గేదెను దొంగిలించాడని ఎంపీపై కేసు

‘వచ్చే ఎన్నికల్లో ఈ సీట్లు కూడా రావు’

‘వైఎస్‌ జగన్‌ ప్రభుత్వంలో ఆయన ఆగడాలు సాగవు’

కేసీఆర్‌.. మాతో రండి. చూసొద్దాం

‘మంత్రి ఈటలకు బీజేపీ సంఘీభావం’

‘టీఆర్‌ఎస్‌లో ఓనర్ల చిచ్చు మొదలైంది’

లక్షలకు లక్షలు ఎందుకు ఇస్తున్నారు?

రెండు వర్గాలుగా చీలిపోయిన టీడీపీ!

‘40 ఇయర్స్ ఇండస్ట్రీ చర్యలు ఎందుకు తీసుకోలేదో’

పవన్‌ రాజధాని పర్యటనపై ఆర్కే ఫైర్‌

మోరీల్లో పడేది టీఆర్‌ఎస్‌ కార్యకర్తల తలలు కాదు...

‘ఆ చట్టం తీసుకురావాల్సిన బాధ్యత ఎన్డీయేదే’

గడువులోగా గ్రామ పంచాయతీ ఎన్నికలు: జూపల్లి

ఆంధ్రప్రదేశ్
తెలంగాణ
సినిమా

వీడే సరైనోడు

ఒక సినిమా.. రెండు రీమిక్స్‌లు

సింధుగా సమంత?

క్రైమ్‌ పార్ట్‌నర్‌

ముద్దంటే ఇబ్బందే!

న్యూ ఏజ్‌ లవ్‌