రాష్ట్రాల సహకారం లేనిదే అమలు కుదరదు : పీకే

20 Dec, 2019 15:58 IST|Sakshi

సాక్షి, న్యూఢిల్లీ : కేంద్రం ఏ చట్టం చేసినా రాష్ట్రాల సహకారం లేనిదే అమలు సాధ్యం కాదని ఎన్నికల వ్యూహకర్త, జేడీయూ ఉపాధ్యక్షుడు ప్రశాంత్‌కిషోర్‌ మరోసారి తేల్చి చెప్పారు. శుక్రవారం ఓ ప్రముఖ జాతీయ మీడియాతో నిర్వహించిన ముఖాముఖి కార్యక్రమలో ఆయన సీఏఏ, ఎన్నార్సీలపై తన అభిప్రాయాలను వెల్లడించారు.

ప్రశ్న : సీఏఏ, ఎ‍న్నార్సీలకు వ్యతిరేకంగా మీరు ట్వీట్‌ చేశారు. మీ పార్టీ ఏమో పార్లమెంటులో మద్దతిచ్చింది. దీనిపై మీరేమంటారు? 

జవాబు : పౌరసత్వ సవరణ బిల్లుపై పార్లమెంటులో ఓటింగ్‌ జరగక ముందే నా అభిప్రాయాలను బహిరంగంగా వెల్లడించాను. మా పార్టీ కూడా మొదట సీఏఏను వ్యతిరేకిస్తూ తీర్మానం చేసింది. కానీ తర్వాత వైఖరిని మార్చుకుంది. దీనిపై మా అధ్యక్షుడు నితీష్‌కుమార్‌ను అడిగాను. ఆయనతో మాట్లాడిన తర్వాత నాకు అనిపించిందేంటంటే సీఏఏ, ఎన్నార్సీలను వారు వేర్వేరుగా చూస్తున్నారు. సీఏఏకు మద్దతిచ్చినా, ఎన్నార్సీకి మద్దతివ్వనని, అది బీహార్‌కు అవసరం లేదని ఆయన నాకు భరోసానిచ్చారు. సీఏఏ, ఎన్నార్సీలు దేశానికి మంచిది కాదని నా అభిప్రాయం. నాతో ఏకీభవించేవాళ్లంతా ఈ చట్టాలను వ్యతిరేకించాలని కోరుతున్నా.

ప్రశ్న : ఈ చట్టాలను బీజేపీయేతర ముఖ్యమంత్రులు వ్యతిరేకించాలని మీరు పిలుపునిచ్చారు. కానీ ఒడిశా ముఖ్యమంత్రి నవీన్‌ పట్నాయక్‌ తప్ప మిగతా ముఖ్యమంత్రులెవరూ ఇప్పటి వరకు స్పందించలేదు. వారంతా మీ సూచనను పాటిస్తారని అనుకుంటున్నారా? 
జవాబు : దేశంలోని  16 రాష్ట్రాల్లో బీజేపీయేతర ముఖ్యమంత్రులున్నారు. ఈ రాష్ట్రాల్లో దేశ జనాభా 65 శాతం ఉంది. గత లోక్‌సభ ఎన్నికలల్లో బీజేపీకి అత్యధిక మెజార్టీ స్థానాలు వచ్చినా ఓట్ల శాతం చూసుకుంటే వారికి వచ్చిన ఓట్లు 39 శాతమే. అంటే బీజేపీని దేశంలో 61శాతం మంది ప్రజలు వ్యతిరేకిస్తున్నారనేగా అర్థం. ఇప్పుడు బీజేపీ దేశ ప్రజలు మాకు సంపూర్ణ మెజారిటీ ఇచ్చారు కాబట్టి, ఎన్నికల మేనిఫెస్టోను అమలు చేస్తున్నామని చెప్తున్నారు. కానీ 61 శాతం మంది మీకు వ్యతిరేకంగా ఓటు వేశారు కదా. వారి సంగతేంటి? ఈ 61 శాతం మందికి ప్రాతినిధ్యం వహిస్తున్న పార్టీలకే నేను వ్యతిరేకించమని చెప్పేది. 

ప్రశ్న : కానీ, కేంద్రం చేసిన చట్టాలను వ్యతిరేకించే అధికారం రాష్ట్రాలకు లేదు కదా? 
జవాబు : వ్యతిరేకించే అధికారం రాజ్యాంగం ప్రకారమైతే లేదు. కానీ రాష్ట్రాల సహకారం లేకుండా కేంద్రం ఈ చట్టాన్ని దేశంలో అమలు చేయగలదా? ఒక్క అస్సాంలోనే ఎన్నార్సీ చేపడితే రేయింబవళ్లు కష్టపడినా మూడేళ్లు పట్టింది. అలాంటిది దేశం మొత్తం అమలు చేయాలంటే ఎంతకాలం పడుతుంది. అది కూడా కేంద్రం మాత్రమే చేయాలంటే ఎంత సమయం పడుతుందో ఊహించండి. 

ప్రశ్న :  మరి పార్లమెంటులో మీ పార్టీ సీఏఏకు అనుకూలంగా ఓటు వేయడం ద్వంద వైఖరి కాదా? 
జవాబు : ఇది ద్వంద వైఖరి కాదు. పైన చెప్పినట్టు సీఏఏ, ఎన్నారర్సీలకు మధ్య లింకు ఉంటుందని వారు  బహుశా ఊహించి ఉండరని అనుకుంటున్నాను.

 ప్రశ్న : బీజేపీ నేతృత్వంలోని ఏన్డీయే కూటమిలో మీ పార్టీ జేడీయూ భాగస్వామి కదా? దీన్ని ఎలా అర్థం చేసుకోవాలి?
జవాబు : మా పార్టీ ఎన్డీఏలో భాగస్వామియే. కాదనను. కానీ చరిత్ర చూస్తే కొన్ని కీలక సమస్యలపై ఈ రెండూ పార్టీల వైఖరి పరస్పరం విరుద్ధంగా ఉంటుంది. అలాగే ఎన్నార్సీపై కూడా మా పార్టీ వైఖరి ఏంటో ఇ‍ప్పటికే మా నాయకుడు స్పస్టం చేశారు.  

Read latest Politics News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

వ్యతిరేకతను కేంద్రం ముందే ఊహించింది : బీజేపీ మాజీ ఎంపీ

పౌరసత్వ వివాదం: మమతపై నిర్మలా ఫైర్‌

హెచ్చరిక : గోద్రా ఘటన రిపీట్‌ అవుతుంది!

వారంతా పాక్‌ మద్దతుదారులు: కిషన్‌రెడ్డి

'రాజధాని పేరిట చంద్రబాబు గ్రాఫిక్స్‌ చూపించారు'

కేంద్రానికి షాకిచ్చిన నితీష్‌..

హీరో సిద్ధార్థ్‌పై కేసు

‘చంద్రబాబు ఆరోపణలు అర్థరహితం’

చతికిలపడ్డ టీడీపీ

అందుకే ఆయన బట్టలు చించుకుంటున్నారు!

ఏం మాట్లాడుతున్నారో.. మీకైనా తెలుస్తోందా?

సీఏఏపై కేంద్రానికి మమత సవాలు

సీఏఏ నిరసనలపై స్పందించిన రజనీకాంత్‌

జేసీకి కౌంటర్‌; మాధవ్‌ అనూహ్య చర్య

‘వాళ్ల ఆస్తులు పోతాయని భయపడుతున్నారు’

కొనసాగుతున్న తుది విడత పోలింగ్‌..

‘బీజేపీది పౌరులను విభజించే కుట్ర’

‘ఆ చట్టం అమలును కేసీఆర్‌ స్పష్టం చేయాలి’

‘మున్సిపోల్స్‌’పై సీరియస్‌

కృష్ణాజిల్లా వాసిగా సీఎం నిర్ణయాన్ని స్వాగతిస్తున్నా..!

ఆయనను అరెస్టు చేశారా? ఎక్కడా?

‘పవన్‌వి పనికిమాలిక రాజకీయాలు’

అధికార వికేంద్రీకరణకు ఓకే: టీడీపీ నేత

పవన్‌, బాబులకు ఆ హక్కు లేదు: అమర్‌నాథ్‌

ఆ భయంతోనే చంద్రబాబు వ్యతిరేకిస్తున్నారు

‘విద్వేషాలను సృష్టించడం ఆయనకు అలవాటు’

ఆ ఇమేజ్‌ పోవడం సంతోషం: అమిత్‌ షా

వారిద్దరి మధ్య అగ్గి.. కలెక్టర్‌కు సవాళ్లు!

పదవి పోయిందనే చంద్రబాబు విమర్శలు 

ఆంధ్రప్రదేశ్
తెలంగాణ
సినిమా

రామ్‌ చరణ్‌ కాదు.. చిరంజీవి!

లావణ్య త్రిపాఠి ఇంట్లో సోదాలు

మళ్లీ అదరగొట్టిన బేబీ సితార

‘రొమాంటిక్‌’ సినిమా నుంచి మరో అప్‌డేట్‌

రివ్యూ: ‘రూలర్‌’ చిత్రం ఎట్లుందంటే?

సెలబ్రిటీ సిస్టర్స్‌ పోస్ట్‌కు నెటిజన్ల ఫిదా