కథ బెంగళూరు చుట్టూనే..

16 Jul, 2019 06:37 IST|Sakshi

అసమ్మతి నేతలకు కేరాఫ్‌  

రెండు పార్టీల్లోనూ ఇదే తంతు

సాక్షి బెంగళూరు : కర్ణాటక రాజధాని బెంగళూరు నగరం.. అసమ్మతి ఎమ్మెల్యేలకు కేంద్రంగా మారింది. అసమ్మతి వాదం బెళగావి జిల్లాలో (గోకాక్‌ ఎమ్మెల్యే రమేశ్‌ జార్కిహోళి) ప్రారంభమైనప్పటికీ బెంగళూరు కేంద్రంగా తారస్థాయికి చేరింది. కాంగ్రెస్‌ – జేడీఎస్‌ నుంచి రాజీనామా చేసిన ఎమ్మెల్యేల్లో ఎక్కువ మంది బెంగళూరుకు చెందిన వారు ఉండటమే విశేషం. నగరంలోని 28 అసెంబ్లీ స్థానాలకు గానూ కాంగ్రెస్‌ 15, జేడీఎస్‌ 2, బీజేపీ 11 స్థానాల్లో విజయం సాధించాయి. అయితే కాంగ్రెస్‌ – జేడీఎస్‌కు చెందిన 17 మంది ఎమ్మెల్యేల్లో ఆరుగురు అసంతృప్తిగా ఉన్నారు. అందులో ఐదుగురు కాంగ్రెస్‌ (రామలింగారెడ్డి, సౌమ్యారెడ్డి, మునిరత్న, రోషన్‌బేగ్, ఎస్‌టీ సోమశేఖర్‌) జేడీఎస్‌ నుంచి ఒకరు (గోపాలయ్య) ఉన్నారు. అదేవిధంగా బెంగళూరు రూరల్‌ పరిధిలోని హొసకోటె ఎమ్మెల్యే ఎంటీబీ నాగరాజు కూడా అసంతృప్తుల జాబితాలోకి వెళ్లిపోయారు. బెళగావి జిల్లా రాజకీయాల్లో మంత్రి డీకే శివకుమార్‌ జోక్యం చేసుకోవడంతో అసంతృప్తి వ్యక్తం చేసిన రమేశ్‌ జార్కిహోళి బీజేపీలో వెళ్లేందుకు ప్రయత్నించారు. అయితే సరైన సంఖ్యాబలం లేక ఆలస్యమైనప్పటికీ బెంగళూరు నగర ఎమ్మెల్యేల రాజీనామాతో సంకీర్ణ ప్రభుత్వం పూర్తిగా ప్రమాదంలో పడిపోయింది. 

రేవణ్ణ జోక్యంతోనే..
ముఖ్యమంత్రి హెచ్‌డీ కుమారస్వామి సోదరుడు మంత్రి హెచ్‌డీ రేవణ్ణ బెంగళూరులోని అన్ని నియోజకవర్గాల్లో జోక్యం చేసుకోవడంతో ఎమ్మెల్యేల్లో అసంతృప్తి పెరిగింది. సూపర్‌ సీఎంగా పేరుమోసిన రేవణ్ణ.. తన పరిధి దాటిపోయి అన్ని శాఖల్లో జోక్యం చేసుకోవడం కూడా కాంగ్రెస్‌ నేతలు జీర్ణించుకోలేదు. సీఎం కుమారస్వామికి ఫిర్యాదు చేసినా ఎలాంటి ఫలితం లేకుండా పోయింది. డిప్యూటీ సీఎం పరమేశ్వర్‌ ఏం చేయలేని పరిస్థితి. ఈక్రమంలో ఎమ్మెల్యేలు తిరుగుబాటు చేశారు. రేవణ్ణ నుంచి ప్రభుత్వాన్ని కాపాడాలని లేని పక్షంలో తాము మద్దతు ఇచ్చేది లేదని పలుసార్లు హెచ్చరించినా.. దళపతులు పట్టించుకోలేదు. మాజీ సీఎం సిద్ధరామయ్య కూడా సీఎం కుమారస్వామికి రేవణ్ణ గురించి ఫిర్యాదు చేశారు. అయినా ఎలాంటి ఫలితం లేదు. దీంతో సిద్ధరామయ్య నేతృత్వంలోనే అసమ్మతి వాదులు ప్రభుత్వంపై తిరుగుబాటు చేసినట్లు సమాచారం. 

చిక్కుల్లో సీఎం కుమార
ఓవైపు రేవణ్ణను నియంత్రించలేక.. మరోవైపు కాంగ్రెస్‌ నేతలను బుజ్జగించలేక సీఎం కుమారస్వామి ఇరుక్కుపోయారు. రాజీనామా చేయడం తప్ప ప్రత్యామ్నాయం లేకుండా పోయింది. కాగా సిద్ధరామయ్యకు సీఎం పదవి కట్టబెడితే.. అసమ్మతిలోని కాంగ్రెస్‌ సభ్యులు మద్దతు ఇస్తామని ప్రకటించారు. కానీ జేడీఎస్‌ పెద్దలు ఒప్పుకోవడం లేదు. సిద్ధరామయ్యకు సీఎం పదవి కట్టబెడితే మద్దతు ఉపసంహరించుకుంటామని మాజీ ప్రధాని దేవెగౌడ ఇప్పటికే స్పష్టం చేసిన సంగతి తెలిసిందే. అయితే ఉన్నఫలంగా సీఎం కుమారస్వామి అవిశ్వాస తీర్మానానికి సవాల్‌ విసిరారు. కానీ ఎమ్మెల్యేలు ఎవరూ అందుబాటులోకి రాకపోవడంతో అయోమయంలో పడ్డారు. తాను బుజ్జగించిన మంత్రి ఎంటీబీ నాగరాజు ముంబయి తరలివెళ్లడంతో సీఎం కుమారస్వామి ధైర్యం కోల్పోయారు. 

రామలింగారెడ్డి ఏం చేస్తారో?
సంకీర్ణ ప్రభుత్వాన్ని మనుగడ సాగించాలంటే.. మాజీమంత్రి, బీటీఎం లేఅవుట్‌ ఎమ్మెల్యే రామలింగారెడ్డి నిర్ణయం కూడా అవసరం అనిపిస్తోంది. ఈక్రమంలో కాంగ్రెస్‌ పెద్దలు మాజీ సీఎం సిద్ధరామయ్య, కర్ణాటక ఇన్‌చార్జి కేసీ వేణుగోపాల్‌ వెళ్లి చర్చించారు. ప్రభుత్వానికి మద్దతు ఇవ్వాల్సిందిగా కోరారు. ఆదివారం ఉదయం నుంచి రాత్రి వరకు సీఎం కుమారస్వామి, మంత్రి డీకే శివకుమార్, కేపీసీసీ అధ్యక్షుడు దినేశ్‌ గుండూరావు బుజ్జగించే ప్రయత్నం చేశారు. రామలింగారెడ్డి డిమాండ్లను పరిష్కరిస్తామని హామీ ఇచ్చారు. అయితే తనకు కేబినెట్‌ బెర్తు ఖరారు చేయాలని రామలింగారెడ్డి షరతు విధించినట్లు సమాచారం.  

Read latest Politics News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

అంచనాలు పెంచి దోపిడీ చేశారు

18న బలపరీక్ష

కాకి లెక్కలతో వృద్ధి పెరిగిందా?

చంద్రబాబు విదేశీ టూర్ల ఖర్చుపై సమగ్ర విచారణ

భవనాల కూల్చివేతపై ‘సుప్రీం’కు వెళ్తాం

ప్రశాంత్‌ కిషోర్‌ చేతిలో ఠాక్రే వారసుడు

ఎన్‌ఐఏ సవరణ బిల్లుకు లోక్‌సభ ఆమోదం

ముస్లింలు జంతువుల్లా ప్రవర్తిస్తున్నారు: బీజేపీ ఎమ్మెల్యే

ముందు వినడం నేర్చుకోండి ఒవైసీ : షా క్లాస్‌

బాధ్యతలు స్వీకరించిన ఎమ్మెల్యే రోజా

క్లైమాక్స్‌కు చేరిన కర్ణాటకం

టీడీపీ జెండా కట్టి, పచ్చ చొక్కా వేస్తేనే...

కేసీఆర్‌పై నిప్పులు చెరిగిన కృష్ణసాగర్‌ రావు

‘ఇంతవరకు రూ. 2 వేల పింఛను ఇవ్వలేదు’

ఆ ధోరణి ప్రమాదకరం : మాయావతి

కర్నాటకం: నేడే అవిశ్వాసానికి అనుమతించండి

గులాబీ ఫామ్‌లు ఎవరికిస్తారో!

‘2 వేల కంటే 15 వేలు తక్కువా చంద్రబాబు’

ప్రశ్నించే వారుండొద్దా...?

ఎన్నికల వరకే రాజకీయాలు

వైఎస్సార్‌సీపీకి పూర్వవైభవం వస్తుంది..   

ట్విట్టర్‌లో టీ‘ఢీ’పీ!

నా కొడకల్లారా... ఏ రెడ్డి వస్తాడో చూస్తాం

‘బాబు.. మీ పెంపుడు కుక్కను కంట్రోల్‌ చెయ్‌’

కౌన్సిలర్‌ టికెట్ల కోసం ఆశావహుల ఆరాటం

బాబును కేంద్రం జైలులో పెడుతుందని అనుకోను

సంకీర్ణానికి నాగరాజ్‌ ఝలక్‌

కేబినెట్‌ నుంచి సిద్ధూ నిష్క్రమణ

కే ట్యాక్స్‌పై అసెంబ్లీలో చర్చిస్తాం

ఏపీలోనూ టీడీపీకి రాజకీయ భవిష్యత్తు లేదు

ఆంధ్రప్రదేశ్
తెలంగాణ
సినిమా

రష్మికా మజాకా

లారెన్స్‌ కోసం వచ్చి భిక్షాటన

రత్నకుమారి వచ్చేశారు

వసూళ్లు పెరిగాయి

వసూళ్లు పెరిగాయి

యుద్ధానికి సిద్ధం