పనికిమాలిన దొంగలంతా జమైతుండ్రు! 

28 Aug, 2018 02:52 IST|Sakshi
గొర్రెలను పంపిణీ చేస్తున్న తలసాని, పోచారం

సాక్షి, కామారెడ్డి: ‘అధికారంలో ఉన్నన్ని దినాలు ప్రజలకు మేలు చేసే ఒక్కపని గూడ జెయ్యని పనికిమాలిన దొంగలంతా ఒక్కతాన జమైతుండ్రు.. సీఎం మీద ఇష్టం వచ్చినట్టు మాట్లాడుతుండ్రు. వాళ్ల ఆటలు ఇక సాగయి. తెలంగాణ ప్రజలంతా కేసీఆర్‌ చేస్తున్న అభివృద్ధికి జై కొడుతుండ్రు. యావత్‌ దేశం మొత్తం మనదిక్కే జూస్తున్నది’అని పశుసంవర్థక శాఖ మంత్రి తలసాని శ్రీనివాస్‌యాదవ్‌ పేర్కొన్నారు. సోమవారం కామారెడ్డిలో రెండో విడత గొర్రెలు, గేదెల పంపిణీ కార్యక్రమంలో ఆయన పాల్గొన్నారు.

ఈ సందర్భంగా మంత్రి మాట్లాడుతూ.. కాంగ్రెస్‌ నేతలు అధికారంలో ఉన్నప్పుడు దోచుకోవడం.. దాచుకోవడం తప్ప ప్రజల గురించి పట్టించుకోలేదని విమర్శించారు. ముఖ్యమంత్రి కేసీఆర్‌ రైతులు, బడుగు బలహీన వర్గాల ప్రజలకు మేలు చేయడానికి దేశంలో ఎక్కడా లేని విధంగా పథకాలు తీసుకొచ్చి విజయవంతంగా అమలు చేస్తున్నారని చెప్పారు. రాష్ట్రంలో జరుగుతున్న అభివృద్ధిని, అమలు చేస్తున్న సంక్షేమ పథకాలను దేశంలోని ఇతర రాష్ట్రాలవారు ఆసక్తిగా గమనిస్తున్నారని పేర్కొన్నారు. కేసీఆర్‌ కొమురవెల్లి మల్లన్న, బీరప్పల స్వరూపమని మంత్రి కీర్తించారు. 45 ఏళ్లు అధికారంలో ఉన్నప్పుడు ఏ పని చేయని కాంగ్రెస్‌ నేతలు.. ఇప్పుడు కొత్తబిచ్చగాళ్ల లెక్క తిరుగుతున్నారని విమర్శించారు.  

మరో 6వేల కోట్ల పెట్టుబడి సాయం: పోచారం  
సమైక్య పాలనలో వలసలు పోయిన ప్రజలంతా టీఆర్‌ఎస్‌ అధికారంలోకి వచ్చిన తర్వాత ఊళ్లకు తిరిగి వస్తున్నారని వ్యవసాయ శాఖ మంత్రి పోచారం శ్రీనివాస్‌రెడ్డి తెలిపారు. రైతుబంధు కింద రాష్ట్రంలోని రైతులకు రూ. 5,778 కోట్లు పెట్టుబడి సాయంగా అందించామని, వచ్చే యాసంగి కోసం మరో రూ. 6 వేల కోట్లు సిద్ధంగా ఉంచామన్నారు. కాగా, మంత్రి తలసాని మాట్లాడుతున్నప్పుడు తమకు పాసుబుక్కులు ఇవ్వడం లేదని మొరపెట్టుకున్నారు. మాచారెడ్డి మండలం రత్నగిరిపల్లికి చెందిన రైతులు తమది అటవీ భూమి అంటూ అధికారులు పాసుబుక్కులు ఇవ్వడం లేదని ఫిర్యాదు చేశారు. 

Load Comments
Hide Comments
మరిన్ని వార్తలు

‘కోడెల’ తనయుడి వీరంగం

కేసీఆర్‌కు చంద్రబాబు ప్రేమలేఖ

రాష్ట్రానికి ద్రోహం.. కాంగ్రెస్‌ నిర్వాకం..

మద్యాన్ని తగలెయ్యండన్నా.. 

కాంగ్రెస్‌లో చంద్రబాబు కోవర్ట్‌ రేవంత్‌: శ్రీధర్‌రెడ్డి

ఆంధ్రప్రదేశ్
తెలంగాణ
సినిమా

కథ ముఖ్యం అంతే! 

డాడీ కోసం డేట్స్‌ లేవ్‌!

దాచాల్సిన అవసరం లేదు!

గురువారం గుమ్మడికాయ

శ్రీకాంత్‌ అడ్డాలతో నాని?

కెప్టెన్‌ ఖుదాబక్ష్‌