హైదరాబాద్‌ రా... మాట్లాడుదాం!

11 Sep, 2018 19:47 IST|Sakshi
గృహనిర్బంధంలో ఉన్న ఓదెలు

సాక్షి ప్రతినిధి, మంచిర్యాల: తాను ప్రాతినిధ్యం వహిస్తున్న చెన్నూర్‌ సీటును పెద్దపల్లి ఎంపీ బాల్క సుమన్‌కు కేటాయించడంపై తాజా మాజీ ఎమ్మెల్యే నల్లాల ఓదెలు వినూత్న రీతిలో నిరసన తెలిపారు. మందమర్రిలోని తన నివాసంలో సోమవారం రాత్రి నిద్రపోయిన ఓదెలు కుటుంబం మంగళవారం ఇంటి నుంచి బయటకు రాలేదు. క్వార్టర్స్‌ ప్రధాన గేటుతో పాటు ఇంటికి ఉన్న అన్ని దర్వాజాలను మూసివేసి స్వీయ గృహ నిర్బంధంలోకి వెళ్లారు. గన్‌మన్లను కూడా బయటే ఉంచిన ఓదెలు ఇంటి లోపలికి ఎవరూ రాకుండా జాగ్రత్తలు తీసుకున్నారు. సాయంత్రంలోగా తనకు చెన్నూర్‌ టికెట్టు ఇస్తున్నట్లు ప్రకటిస్తేనే తలుపులు తీస్తామని, లేదంటే ఏం జరుగుతుందో కూడా తెలియదని హెచ్చరించారు.  

ఉదయం నుంచి హైడ్రామా!
ఓదెలు గృహ నిర్బంధంలోకి వెళ్లారనే ప్రచారం మంగళవారం ఉదయం 9.15 గంటలకు దావానలంలా వ్యాపించింది. దాంతో కార్యకర్తలు, మహిళలు పెద్ద ఎత్తున తరలివచ్చి ఆయన నివాసం ఎదుట బైఠాయించారు. మంత్రులు, పార్టీ పెద్దల నుంచి పిలుపు వస్తే తప్ప తాను బయటకు వచ్చేది లేదంటూ ఓదెలు చాలా స్పష్టమైన సంకేతాన్ని పార్టీ వర్గాలకు ఇచ్చారు. అయితే.. మంత్రి ఇంద్రకరణ్‌రెడ్డి, ఎంపీ సంతోష్‌కుమార్‌ ఓదెలుకు సర్ది చెప్పేందుకు విఫలయత్నం చేశారు. సాయంత్రం 5.30 గంటల ప్రాంతంలో కేసీఆర్‌ స్వయంగా ఓదెలుకు ఫోన్‌ చేసి ‘రేపు ప్రగతిభవన్‌లో ఉండేలా హైదరాబాద్‌ బయలు దేరి వచ్చేయ్‌..’ అని చెప్పడంతో గృహ నిర్బంధం వీడారు.  

కేసీఆర్‌నే నమ్ముకున్నా: ఓదెలు  
తాను కేసీఆర్‌నే నమ్ముకున్నానని ఓదెలు స్పష్టం చేశారు. స్వీయ గృహ నిర్బంధంలోకి వెళ్లిన ఆయన ఫోన్‌లో ‘సాక్షి ప్రతినిధి’తో మాట్లాడారు. ఈనెల 6న ప్రకటించిన టీఆర్‌ఎస్‌ పార్టీ అభ్యర్థుల జాబితాలో తన పేరు లేనందుకు మనస్తాపానికి గురైనట్లు వెల్లడించారు. ఉద్యమం పురుడు పోసుకున్న నాటి నుంచి కేసీఆర్‌ వెంటే ఉన్నానని తెలిపారు. ఇప్పటికీ కేసీఆర్‌ తననే ఎమ్మెల్యే అభ్యర్థిగా ప్రకటిస్తారన్న నమ్మకం ఉందని ఓదెలు స్పష్టం చేశారు. బాల్క సుమన్‌ తప్పుడు నివేదికలు ఇచ్చారని, కేసీఆర్‌ తన వేగుల ద్వారా సర్వే చేయించాలని, ఆ సర్వేలో వచ్చే రిపోర్టుకు తాను కట్టుబడి ఉంటానని తెలిపారు. మూడుసార్లు ఎమ్మెల్యేగా గెలిచిన తాను ఇప్పటికీ రేకుల ఇంట్లో ఉంటున్నానని, తనకు టిక్కెట్టు ఇవ్వాలని ఓదెలు ఉద్విగ్నంగా చెప్పారు.

Load Comments
Hide Comments
మరిన్ని వార్తలు

‘అన్ని సర్వేల్లోనూ ప్రజా కూటమిదే విజయం’

సీట్ల సర్థుబాటు సరిగా జరగలేదు: కోదండరాం

ఏపీకి హైకోర్టు అవసరం లేదని జీవో తెస్తారేమో: వైఎస్‌ జగన్‌

టీఆర్‌ఎస్‌కు విశ్వేశ్వర్‌ రెడ్డి గుడ్‌బై

‘కట్టే కాలేవరకు వైఎస్సార్‌ సీపీలోనే’

ఆంధ్రప్రదేశ్
తెలంగాణ
సినిమా

వివాదంలో దీప్‌వీర్‌ల వివాహం

రజనీ బ్లాక్‌బస్టర్‌ మూవీ.. అక్కడ మళ్లీ రిలీజ్‌!

ఎట్టకేలకు అక్షయ్‌ సినిమా పూర్తైయింది!

త్రివిక్రమ్ చేతుల మీదుగా ‘శుభలేఖ+లు’

‘రంగస్థలం’ రికార్డ్‌ బ్రేక్‌ చేసిన ‘సర్కార్‌’

రైతుల అప్పులు తీర్చనున్న బిగ్‌బీ