సాక్షి, విశాఖపట్నం: జనసేన పార్టీ ఆదివారం విశాఖపట్నంలో నిర్వమించిన బహిరంగ సభలో అపశృతి దొర్లింది. సభ వేదిక వద్ద షార్ట్ సర్క్యూట్ కావడంతో ఒక్కసారిగా సభలో గందరగోళం చెలరేగింది. వేదిక వద్ద ఏర్పాటుచేసిన బారికేడ్లకు విద్యుద్‌ ప్రవహించడంతో ఇద్దరు వ్యక్తులకు విద్యుత్‌ షాక్‌తో గాయాలయ్యాయి. వెంటనే అప్రమత్తమైన నిర్వాహకులు వెంటనే జనరేటర్‌ను నిలిపివేసి.. విద్యుత్‌ సప్లైను ఆపేశారు. గాయపడిన వ్యక్తులను అంబులెన్స్‌లో వెంటనే ఆస్పత్రికి తరలించారు. ఇక, ఇసుక అంశంపై జనసేన అధినేత పవన్‌ కల్యాణ్‌ విశాఖపట్నంలో తలపెట్టిన లాంగ్‌మార్చ్‌ కొంత ఆలస్యంగా మొదలైంది.
