కానుకగా 33 బీర్‌ బాటిళ్లు..

11 Sep, 2018 15:36 IST|Sakshi

లండన్‌:  టీమిండియాతో ఆఖరి టెస్టు మ్యాచ్‌ తర్వాత రిటైర్మెంట్‌ ప్రకటించిన ఇంగ్లండ్‌కు క్రికెటర్‌ అలెస్టర్‌ కుక్‌ బీర్‌ బాటిళ్లను కానుకగా అందుకున్నాడు. అంతర్జాతీయ టెస్టు కెరీర్‌లో 33 శతకాలు సాధించిన కుక్‌కు 33 బీర్‌ బాటిళ్లను మీడియా ప్రతినిధులు కానుకగా అందజేశారు. అంతేకాదు ఒక్కో బాటిల్‌పై ఒక్కో మెసేజ్‌ను రాసి కుక్‌కు అందించారు. అనంతరం కుక్‌ వారందరికీ ధన్యవాదాలు తెలిపాడు.

ఐదో టెస్టులో భాగంగా సోమవారం నాలుగో రోజు ఆటలో  కుక్‌ శతకం సాధించిన తర్వాత మీడియా సమావేశంలో పాల్గొన్నాడు. ఈ సందర్భంగా మీడియా ప్రతినిధులు అడిగిన పలు ప్రశ్నలకు కుక్‌ జవాబులిచ్చే క్రమంలో ఒక వ్యక్తి కుక్‌ వద్దకు పెట్టె పట్టుకుని వెళ్లి సదరు కానుకను అందజేశాడు. గత కొన్నేళ్లుగా కెప్టెన్‌గా, ఆటగాడిగా ఇంగ్లండ్‌కు చేసిన సేవలకు గాను కుక్‌కు బీర్‌ బాటిళ్లను అందజేశారు.

‘రిటైర్మెంట్‌ ప్రకటించిన మీకు మా అందరి తరఫు నుంచి చిన్న కానుక. గతంలో మీరు ఒకసారి మాట్లాడుతూ ‘నేను వైన్‌ డ్రింకర్‌ను కాదు బీర్‌ మ్యాన్‌’ అని చెప్పారు. అది దృష్టిలో పెట్టుకునే మీకు 33 బీర్‌ బాటిళ్లను కానుకగా అందజేస్తున్నాం. ఒక్కో బాటిల్‌పై ఒక్కో మీడియాకు చెందిన ప్రతినిధి మీ కోసం ప్రత్యేకమైన మెసేజ్‌ రాశారు’ అని అతను తెలిపాడు.

Load Comments
Hide Comments
మరిన్ని వార్తలు

క్వార్టర్స్‌లో ఇంగ్లండ్‌  

హిమ్మత్‌ సింగ్‌ సెంచరీ: భారత్‌ హ్యాట్రిక్‌

ఆంధ్రను గెలిపించిన జ్యోతి

ఆలస్యమైనా... అద్భుతమే 

అద్వితీయం... 

ఆంధ్రప్రదేశ్
తెలంగాణ
సినిమా

‘ఫామ్‌హౌస్‌ కాదు.. ఫామ్‌లో ఉన్నారు’

కాంబినేషన్‌ రిపీట్‌?

నేను బాగానే ఉన్నాను

సింధు కోచ్‌గా సోనూ

కొత్త లుక్‌

25న ‘శోభన్‌ బాబు’ అవార్డ్స్‌