అష్రఫ్‌ హ్యాట్రిక్‌

28 Oct, 2017 00:32 IST|Sakshi

రెండో టి20లో శ్రీలంక 124/9

అబుదాబి: పాకిస్తాన్‌తో రెండో టి20 మ్యాచ్‌లో శ్రీలంక 20 ఓవర్లలో 9 వికెట్ల నష్టానికి 124 పరుగులు చేసింది. గుణతిలక (48 బంతుల్లో 51; 4 ఫోర్లు, 1 సిక్స్‌) అర్ధ సెంచరీ సాధించగా, సమరవిక్రమ (31 బంతుల్లో 32; 2 ఫోర్లు) రాణించాడు. అయితే మిగతా బ్యాట్స్‌మెన్‌ వైఫల్యంతో లంక తక్కువ స్కోరుకే పరిమితమైంది. ఒక దశలో 106/1తో పటిష్ట స్థితిలో నిలిచిన లంక 18 పరుగులకు తర్వాతి ఎనిమిది వికెట్లు కోల్పోయింది.

జట్టులో ఎనిమిది మంది ఒక అంకె స్కోరుకే పరిమితమయ్యారు. పేస్‌ బౌలర్‌ ఫహీమ్‌ అష్రఫ్‌ (3/16) ‘హ్యాట్రిక్‌’తో లంకను దెబ్బ తీశాడు. 19వ ఓవర్లో ఫహీమ్‌ వరుస బంతుల్లో ఉడానా, ఉదవట్, షనకలను అవుట్‌ చేశాడు. పాకిస్తాన్‌ తరఫున టి20ల్లో ఇదే తొలి హ్యాట్రిక్‌ కావడం విశేషం. 

మరిన్ని వార్తలు