గుంటూరు వెస్ట్‌: ఆసియా జూనియర్‌ బాడీబిల్డింగ్, ఫిజిక్‌ స్పోర్ట్స్‌ చాంపియన్‌షిప్‌లో ఆంధ్రప్రదేశ్‌కు చెందిన నిశ్శంకరరావు రవి కుమార్‌ మెరిశాడు. ఇండోనేసియాలోని బెట్టాంలో జరుగుతున్న ఈ ప్రతిష్టాత్మక పోటీల్లో గుంటూరుకు చెందిన రవి కుమార్‌ 75 కేజీల విభాగంలో భారత్‌కు స్వర్ణ పతకాన్ని అందించాడు.
తద్వారా ఆంధ్రప్రదేశ్‌ నుంచి ఈ ఘనత సాధించిన తొలి బాడీబిల్డర్‌గా ఘనత వహించాడు. ఈ సందర్భంగా రవి కుమార్‌కు గుంటూరు జిల్లా బాడీ బిల్డింగ్‌ సంఘం కార్యదర్శి, కోచ్‌ జి.శ్రీనివాసరావు అభినందనలు తెలిపారు.
