పొలార్డ్‌ ఫీల్డింగ్‌ ఫీట్‌.. తప్పిన ప్రమాదం

3 May, 2019 17:29 IST|Sakshi

ముంబై ఇండియన్స్‌ స్టార్‌ క్రికెటర్‌ కీరన్‌ పొలార్డ్‌ ప్రతీ సీజన్‌లో తన వైవిధ్యమైన ఆటతో అభిమానులను అలరిస్తుంటాడు. చిరుతలా కదులుతూ మెరుపు ఫీల్డింగ్‌తో పాటు కళ్లుచెదిరే రీతిలో క్యాచ్‌లు ఆందుకోవడంలో పొలార్డ్ దిట్ట. ఈ సీజన్‌లో ప్రారంభంలో చెన్నై సూపర్‌కింగ్స్‌తో జరిగిన మ్యాచ్‌లో సురేశ్‌ రైనా ఇచ్చిన క్యాచ్‌ను ఒంటి చేత్తో అందుకొని ఔరా అనిపించాడు. ఇలా ప్రతీ సీజన్‌లో కనీసం ఒక్కటైన సూపర్‌ క్యాచ్‌ను అందుకోవడం చూస్తుంటాం. అయితే ఈ సారి మరింత కొత్తగా బంతిని ఆపడాని​కి ప్రయత్నించి విఫలమైన పొలార్డ్‌ ప్రమాదాన్ని కొని తెచ్చుకున్నాడు. 

గురువారం ముంబైతో మ్యాచ్‌లో  సన్‌రైజర్స్‌ ఆటగాడు వృద్దిమాన్‌ సాహా బ్యాటింగ్‌ చేస్తున్న సమయంలో పొలార్డ్‌ మిడాన్‌లో ఫీల్డింగ్‌ చేస్తున్నాడు. సాహా మిడాన్‌ వైపుగా ఆడిన బంతిని వినూత్నంగా ఆపడానికి పొలార్డ్‌ ప్రయత్నించాడు. బంతిని వెంటాడిన అతడు బౌండరీ వద్ద ఫుట్‌బాల్‌ ఆటగాళ్ల మాదిరిగా కాళ్లతో బంతిని వెనక్కి నెట్టాలని భావించాడు. కానీ బంతిని ఆపే ప్రయత్నంలో నియంత్రణ కోల్పోయి బౌండరీ లైన్ తర్వాత వుండే బారికెడ్లను ఢీకొట్టి ప్రమాదకర రీతిలో అవతలికి పడిపోయాడు. అయితే ఈ ప్రమాదంలో అతడికి ఎలాంటి గాయాలు కాకుండా క్షేమంగా బయటపడ్డాడు. 

అయితే అతడు ఇంకాస్త పక్కన పడివుంటే తీవ్రంగా గాయపడేవాడు. సౌండ్ సిస్టంకు సంబంధంచిన భారీ పరికరాలకు కొద్దిగా పక్కన పడటంతో ప్రమాదం తప్పింది. పొలార్డ్ కు ఎలాంటి గాయాలు కాకుండా బయటపడటంతో ముంబై ఇండియన్స్ ఆటగాళ్లు, యాజమాన్యంతో పాటు అభిమానులు ఊపిరి పీల్చుకున్నారు. ఇక ఈ మ్యాచ్‌లో ముంబై ఇండియన్స్‌ సూపర్‌ ఓవర్‌లో విజయం సాధించి ప్లే ఆఫ్స్‌కు చేరుకున్న మూడో జట్టుగా నిలిచింది. ఇప్పటికే చెన్నై, ఢిల్లీ జట్లు ప్లేఆఫ్స్‌కు చేరుకున్న విషయం తెలిసిందే. 

Read latest Sports News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

అనధికార వ్యక్తులపై ఎఫ్‌ఐఆర్‌ నమోదు చేస్తాం : ద్వివేదీ

ఇక ఆపండ్రా నాయనా.. ఆ ట్వీట్‌ తీసేశా!

బెంగాలీ సెంటిమెంట్‌పై ‘ఎన్నికల దాడి’

కోహ్లి తర్వాతే అతనే సరైనోడు..!

ఐపీఎల్‌ ఫైనల్‌ చాలా ‘హాట్‌’ 

వాట్సన్‌పై ముంబై ఫ్యాన్స్‌ కామెంట్స్‌

‘డబ్బు కోసమే.. ధోనిని ఔట్‌గా ప్రకటించారు’

కుంబ్లేను గుర్తుచేశావ్‌ వాట్సన్‌..

‘థ్యాంక్యూ సచిన్‌ సర్‌’

వార్నీ.. కేఎల్‌ రాహుల్‌ అవార్డు.. పాండ్యా చేతికి!

ఈ సీజనే అత్యుత్తమం 

బేసి... సరి అయినప్పుడు! 

క్యాప్‌లు సాధించకున్నా.. కప్‌ గెలిచాం..

‘ధోని హార్ట్‌ బ్రేక్‌ అయ్యింది’

ఐపీఎల్‌-12లో జ్యోతిష్యమే గెలిచింది..

నాలుగు కాదు.. ఐదు: రోహిత్‌