నేటి నుంచి రగ్బీ టోర్నమెంట్‌

1 Feb, 2020 10:05 IST|Sakshi

హైదరాబాద్‌: భారత రగ్బీ ఫుట్‌బాల్‌ యూనియన్‌ (ఐఆర్‌ఎఫ్‌యూ) ఆధ్వర్యంలో తెలంగాణ రగ్బీ సంఘం సహకారంతో నేటి నుంచి జాతీయ సబ్‌ జూనియర్‌ రగ్బీ చాంపియన్‌షిప్‌ జరగనుంది. జింఖానా మైదానంలో రెండు రోజుల పాటు ఈ పోటీలను నిర్వహించనున్నట్లు శుక్రవారం సోమా జిగూడ ప్రెస్‌క్లబ్‌లో ఏర్పాటు చేసిన విలేకరుల సమావేశంలో ఐఆర్‌ఎఫ్‌యూ ప్రతినిధి సందీప్‌ తెలిపారు.

గతంలో రెండు సార్లు హైదరాబాద్‌లోనే ఈ పోటీలను నిర్వహించామని, ఇక్కడి వాతావరణం అనుకూలంగా ఉండటంతో ఈసారి కూడా ఇక్కడే టోర్నీని జరుపుతున్నామని పేర్కొన్నారు. ఇందులో 21 రాష్ట్రాలకు చెందిన 670 మంది క్రీడాకారులు పాల్గొంటున్నారని చెప్పారు. 15 నిమిషాల పాటు జరిగే మ్యాచ్‌లో తొలి 7 నిమిషాల తర్వాత ఒక నిమిషం విరామం ఉంటుందన్నారు. ప్రతీ జట్టుకు ఏడుగురు క్రీడాకారులు ప్రాతినిధ్యం వహిస్తారని అన్నారు.    

Read latest Sports News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా