బులవాయో: ఓపెనర్ ఫఖర్ జమాన్ (117 నాటౌట్; 16 ఫోర్లు) అజేయ శతకంతో జింబాబ్వేతో రెండో వన్డేలో పాకిస్తాన్ 9 వికెట్లతో నెగ్గింది. సోమవారం జరిగిన మ్యాచ్లో పాక్ బౌలర్లు ఉస్మాన్ (4/36), హసన్ అలీ (3/32) ధాటికి జింబాబ్వే 49.2 ఓవర్లలో 194 పరుగులకే ఆలౌటైంది. అనంతరం పాక్ 36 ఓవర్లలో వికెట్ నష్టానికి 195 పరుగులు చేసి గెలిచింది. ఫఖర్ జమాన్... ఇమాముల్ హక్ (44)తో తొలి వికెట్కు 119 పరుగులు, ఆజమ్ (29 నాటౌట్)తో రెండో వికెట్కు 76 పరుగులు జోడించాడు.
