తిరువనంతపురం: కరోనా వైరస్‌ విజృంభణ నేపథ్యంలో దేశ వ్యాప్తంగా లాక్‌డౌన్‌ కొనసాగుతున్న వేళ కేరళ పోలీసులు విన్నూత్నప్రయోగం చేపట్టారు. లాక్‌డౌన్‌ నిబంధనల్ని ఉల్లంఘిస్తున్న వారిని పట్టుకునేందుకు డ్రోన్‌ను ఉపయోగించారు. డ్రోన్‌ కెమెరాలతో వారిపై నిఘా ఉంచి లాక్‌డౌన్‌ను పటిష్టంగా అమలు చేస్తున్నారు. ఇలా పలు చోట్ల చిత్రీకరించిన వీడియోలను ఎడిట్‌ చేసి సోషల్‌ మీడియాలో పోస్ట్‌ చేశారు. దీనికి గతంలో ప్రస్తుత టీమిండియా కోచ్‌గా ఉన్న రవిశాస్త్రి కామెంటరీ చెబుతున్నసమయంలో ట్రేసర్ బుల్లెట్ పదాన్ని ప్రయోగించిన ఆడియోను జత చేశారు. (3వ స్టేజ్‌ ఇంకా రాలేదు)
రవిశాస్త్రి గతంలో కామెంటేటర్‌గా ఉండగా ఒక షాట్‌కు ట్రేసర్ బుల్లెట్ పదాన్ని ఉపయోగిస్తాడు. దీనిని సహచర కామెంటేటర్‌లకు సైతం చాలెంజ్‌ విసురుతాడు. దానికి హుందాగా స్వీకరించిన సునీల్‌ గావస్కర్‌, సంజయ్‌ మంజ్రేకర్‌ తదితరులు తమ వ్యాఖ్యానంలో ట్రేసర్ బుల్లెట్ పదాన్ని ఉపయోగిస్తారు. దీన్ని ఇప్పుడు కేరళ పోలీసులు ఉపయోగించుకున్నారు. లాక్‌డౌన్‌ను నిబంధనల్ని ఉల్లంఘించిన వారిని చెదరగొట్టే క్రమంలో తీసిన డ్రోన్‌ కెమెరా వీడియోకు రవిశాస్త్రి ట్రేసర్ బుల్లెట్ కామెంటరీని జోడించి ట్వీటర్‌లో పెట్టారు. ఈ వీడియో నవ్వులు పూయిస్తుండటంతో పోస్ట్‌ చేసిన కొద్ది సేపట్లోనే వైరల్‌గా మారింది. రవిశాస్త్రి కామెంటరీలో ఎంత వేగం ఉంటుందో అంతే వేగంగా ఇది వైరల్‌ అయ్యింది. (ఊపిరితిత్తుల్లో కరోనా లక్ష్యాలివి)
అంతకుముందు రవిశాస్త్రి కూడా లాక్‌డౌన్‌ ప్రతీ ఒక్కరూ పాటించాలని పిలునిచ్చిన సంగతి తెలిసిందే. దీనిలో భాగంగా ట్రేసర్ బుల్లెట్‌ను పదాన్ని ఉపయోగించాడు.‘ ప్రతీ ఒక్కరూ ఇంట్లోనే ఉండండి. ఇది కీలకమైన దశ. ప్రపంచ వ్యాప్తంగా ఈ చెత్త కరోనా.. ట్రేసర్ బుల్లెట్ లాగా దూసుకుపోతుంది. కరోనా వైరస్‌ రాకుండా ఉండాలంటే ఇంట్లోనే ఉండటం మంచిది’ అని పేర్కొన్నాడు.
Drone sightings during lockdown... pic.twitter.com/kN3a4YCJ5D
— Kerala Police (@TheKeralaPolice) April 7, 2020
