ప్రణీత్‌ ఒక్కడే క్వార్టర్స్‌కు

2 Aug, 2019 04:50 IST|Sakshi

ప్రిక్వార్టర్స్‌లో సైనా, శ్రీకాంత్‌ ఔట్‌

థాయ్‌లాండ్‌ ఓపెన్‌ టోర్నీ

బ్యాంకాక్‌: టైటిల్‌ వేటలో భారత షట్లర్ల ఆటలు థాయ్‌లాండ్‌ ఓపెన్‌లోనూ సాగడంలేదు. మహిళల సింగిల్స్‌లో ఏడో సీడ్‌ సైనా నెహ్వాల్, పురుషుల సింగిల్స్‌లో ఐదో సీడ్‌ కిడాంబి శ్రీకాంత్, హెచ్‌.ఎస్‌.ప్రణయ్‌ ప్రిక్వార్టర్‌ ఫైనల్లోనే కంగుతిన్నారు. ఈ ‘బీడబ్ల్యూఎఫ్‌ వరల్డ్‌ టూర్‌ సూపర్‌ 500’ టోర్నమెంట్‌లో ఇప్పుడు భారత్‌ ఆశలన్నీ భమిడిపాటి సాయిప్రణీత్‌పైనే ఉన్నాయి. ఈ అన్‌సీడెడ్‌ షట్లర్‌ క్వార్టర్‌ ఫైనల్లోకి ప్రవేశించాడు. పురుషుల, మిక్స్‌డ్‌ డబుల్స్‌లో సాత్విక్‌ జోడీలు ముందంజ వేయగా సిక్కిరెడ్డి–ప్రణవ్‌ చోప్రా జోడీకి చుక్కెదురైంది.  

సాయి ప్రణీత్‌ అలవోక విజయం
మిగతా భారత షట్లర్లకు విదేశీ ఆటగాళ్లు ఎదురుకాగా... సాయిప్రణీత్‌తో సహచరుడు శుభాంకర్‌ డే తలపడ్డాడు. పురుషుల సింగిల్స్‌ ప్రిక్వార్టర్‌ ఫైనల్లో అతను వరుస గేముల్లో 21–18, 21–19తో శుభాంకర్‌పై గెలుపొందాడు. 42 నిమిషాల్లో ముగిసిన ఈ మ్యాచ్‌లో శుభాంకర్‌ ప్రతీ గేమ్‌లోనూ పోరాడాడు. కానీ అతనికంటే మేటి ఆటగాడైన ప్రణీత్‌ ముందు ఎదురు నిలువలేకపోయాడు. మరో మ్యాచ్‌లో ఐదో సీడ్‌ శ్రీకాంత్‌ 21–11, 16–21, 12–21తో స్థానిక ఆటగాడు కొసిట్‌ ఫెప్రదబ్‌ చేతిలో కంగుతిన్నాడు. మూడో సీడ్‌ చౌ తియెన్‌ చెన్‌ (చైనీస్‌ తైపీ) ధాటికి 21–9, 21–14తో పారుపల్లి కశ్యప్‌ నిలువలేకపోయాడు. హెచ్‌.ఎస్‌.ప్రణయ్‌ ఆటను జపాన్‌కు చెందిన కెంటో నిషిమోటో వరుస గేముల్లోనే ముగించాడు. 39 నిమిషాల్లో ముగిసిన ఈ మ్యాచ్‌లో ఆరోసీడ్‌ నిషిమోటో 21–17, 21–10తో ప్రణయ్‌ని ఇంటిదారి పట్టించాడు.

సైనా పోరాటం సరిపోలేదు
మహిళల సింగిల్స్‌లో సుమారు రెండు నెలల అనంతరం బరిలోకి దిగిన సైనా తొలి గేమ్‌ విజయంతో టచ్‌లోకి వచ్చింది. తర్వాత గేమ్‌లలో పోరాడే ప్రయత్నం చేసినా... జపాన్‌ ప్రత్యర్థి సయాక తకహాషి జోరు ముందు అదేమాత్రం సరిపోలేదు. చివరకు ఏడో సీడ్‌ భారత స్టార్‌ 21–16, 11–21, 14–21తో పరాజయం చవిచూసింది. పురుషుల డబుల్స్‌ ప్రిక్వార్టర్‌ ఫైనల్లో సాత్విక్‌ సాయిరాజ్‌–చిరాగ్‌ శెట్టి ద్వయం 21–17, 21–19తో ఆరోసీడ్‌ ఫజర్‌–ముహమ్మద్‌ రియాన్‌ (ఇండోనేసియా) జంటపై గెలిచింది. మిక్స్‌డ్‌ డబుల్స్‌లో సాత్విక్‌–అశ్విని పొన్నప్ప జంట 21–18, 21–19తో అల్‌ఫియాన్‌–మార్షెయిలా ఇస్లామి (ఇండోనేసియా) జంటపై నెగ్గింది. సిక్కిరెడ్డి–ప్రణవ్‌ జోడీ 16–21, 11–21తో ఎనిమిదో సీడ్‌ తంగ్‌చన్‌ మన్‌– సె యింగ్‌ సుయెట్‌ (హాంకాంగ్‌) జంట చేతిలో ఓడింది.  

Read latest Sports News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

స్మిత్‌ శతకనాదం

ఆగస్టు వినోదం

వేల సంఖ్యలో దరఖాస్తులు.. జయవర్థనే దూరం?

ఇప్పటికీ అతనే బెస్ట్‌: ఎంఎస్‌కే

యాషెస్‌ సిరీస్‌; ఆసీస్‌ బ్యాటింగ్‌

సిద్ధార్థ మృతిపై అశ్విన్‌ దిగ్భ్రాంతి

కోహ్లి-అనుష్కల జోడి సరదా సరదాగా..

ఒక్క క్లిక్‌తో క్రీడా వార్తలు

బిర్యానీ కోసం పాక్‌ వరకూ ఎందుకులే!

నా భర్త నిజాయితీనే ప్రశ్నిస్తారా?

రవిశాస్త్రి అలా.. రోహిత్‌ ఇలా!

శ్రీలంక క్లీన్‌స్వీప్‌

ఆబిద్‌ అలీఖాన్‌కు స్వర్ణ పతకం

జైపూర్‌ హ్యాట్రిక్‌

మెరుగైన శిక్షణ అందించడమే నాదల్‌ లక్ష్యం 

తండ్రి లేడు... అమ్మ టైలర్‌

మా సమర్థతకు అనేక ఉదాహరణలు

శ్రమించి నెగ్గిన శ్రీకాంత్, సాయిప్రణీత్‌

యాషెస్‌ సమరానికి సై..

కోహ్లికి ఆ హక్కుంది: గంగూలీ

టాప్‌ టెన్‌లో సింధు, సైనా

పాపం పృథ్వీ షా.. ఎంత దురదృష్టవంతుడో..!

‘ఖేల్‌ రత్న’ తిరస్కరణ: భజ్జీ ఆవేదన 

కోహ్లి మాటలు పట్టించుకోం : గైక్వాడ్‌

ఆ ‘ఓవర్‌ త్రో’పై కుండబద్దలు కొట్టిన స్టోక్స్‌

ఇన్నింగ్స్‌లో 10 వికెట్లు తీసిన బౌలర్‌ ఎవరో తెలుసా?

నేటి క్రీడా విశేషాలు

కోహ్లికి మద్దతు పలికిన పాక్‌ క్రికెటర్‌

ఇదేమీ బౌలింగ్‌ యాక‌్షన్‌ రా బాబు!

ప్రిక్వార్టర్స్‌లో సాయి దేదీప్య

ఆంధ్రప్రదేశ్
తెలంగాణ
సినిమా

నవ్వుకున్నోళ్లకు నవ్వుకున్నంత

డైనమిక్‌ కమ్‌బ్యాక్‌

ఉప్పెనలో ఉన్నాడు

గన్‌దరగోళం

గ్లామర్‌ రోల్స్‌కి ఓకే

ఆటకి డేట్‌ ఫిక్స్‌