ఆసియా టీటీ పోటీలకు నైనా, శ్రీజ, స్నేహిత్

11 Sep, 2014 01:13 IST|Sakshi
ఆసియా టీటీ పోటీలకు నైనా, శ్రీజ, స్నేహిత్

ముంబై: ప్రతిష్టాత్మక ఆసియా జూనియర్ టేబుల్ టెన్నిస్ (టీటీ) చాంపియన్‌షిప్‌లో పాల్గొనే భారత జట్ల తరఫున హైదరాబాద్ క్రీడాకారులు నైనా జైస్వాల్, ఆకుల శ్రీజ, ఫిడేల్ రఫీక్ స్నేహిత్ ప్రాతినిధ్యం వహిస్తారు. ఈనెల 12 నుంచి 16 వరకు జరిగే ఈ పోటీల్లో జూనియర్స్ (అండర్-18); క్యాడెట్ (అండర్-15) విభాగాల్లో టీమ్, వ్యక్తిగత ఈవెంట్స్‌ను నిర్వహిస్తారు. శ్రీజ జూనియర్ విభాగంలో... నైనా, స్నేహిత్ క్యాడెట్ విభాగాల్లో బరిలోకి దిగుతారు. ఈ పోటీల్లో ఆతిథ్య భారత్‌తోపాటు చైనా, జపాన్, దక్షిణ కొరియా, సింగపూర్, చైనీస్ తైపీ, థాయ్‌లాండ్, ఉత్తర కొరియా, తుర్క్‌మెనిస్థాన్, జోర్డాన్, కజకిస్థాన్, ఇరాన్, బహ్రెయిన్, హాంకాంగ్, ఖతార్, జట్లు పాల్గొంటున్నాయి. టీమ్ విభాగంలో టాప్-5లో నిలిచిన జట్లు ఈ ఏడాది చివర్లో చైనాలో జరిగే ప్రపంచ జూనియర్ టీటీ పోటీలకు అర్హత సాధిస్తాయి.
 

Read latest Sports News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా