స్టీవ్‌ స్మిత్‌ ‘ఫిట్‌’ అయ్యాడు!

31 Aug, 2019 11:23 IST|Sakshi

డెర్బీ:  యాషెస్‌ సిరీస్‌లో భాగంగా రెండో టెస్టులో గాయపడిన ఆసీస్‌ క్రికెటర్‌ స్టీవ్‌ స్మిత్‌ నాల్గో టెస్టు మ్యాచ్‌కు అందుబాటులోకి రానున్నాడు. గాయం కారణంగా మూడో టెస్టుకు దూరమైన స్మిత్‌..  డెర్బీషైర్‌తో జరిగిన టూర్‌ మ్యాచ్‌లో నేరుగా పాల్గొన‍్నాడు. దాంతో నాల్గో టెస్టులో స్మిత్‌ ఆడటం దాదాపు ఖాయమే. డెర్బీ షైర్‌తో మూడు రోజుల ప్రాక్టీస్‌ మ్యాచ్‌లో భాగంగా తొలి ఇన్నింగ్స్‌లో స్మిత్‌ 23 పరుగులు చేశాడు. మరొకవైపు మూడో వికెట్‌కు 58 పరుగుల భాగస్వామ్యాన్ని అందించాడు. దీనిపై సహచర ఆటగాడు మిచెల్‌ మార్ష్‌ మాట్లాడుతూ.. ‘ స్మిత్‌ 20 పరుగులు కొట్టాడా.. 220 కొట్టాడా అనేది విషయం కాదు. అతనికి ప్రాక్టీస్‌ ఎంతవరకూ లభించిందనేది ముఖ్యం. స్మిత్‌ ఫిట్‌ అయ్యాడు’ అని పేర్కొన్నాడు.

యాషెస్‌ రెండో టెస్టులో ఇంగ్లండ్‌ పేసర్‌ జోఫ్రా ఆర్చర్‌ బౌలింగ్‌లో స్మిత్‌ తీవ్రంగా గాయపడిన సంగతి తెలిసిందే. అత్యంత వేగవంతంగా సంధించిన బౌన్సర్‌ స్మిత్‌ మెడ భాగంలో తగలడంతో అతను అక్కడికక్కడే కూలిబడిపోయాడు. ఆపై కాసేపటికి తొలి ఇన్నింగ్స్‌లో బ్యాటింగ్‌ చేసినప్పటికీ, రెండో ఇన్నింగ్స్‌కు దూరమయ్యాడు. ఆపై మూడో టెస్టు నుంచి స్మిత్‌ వైదొలగక తప్పలేదు. కాగా, స్మిత్‌ గైర్హాజరీ ఒకటైతే, ఆ మ్యాచ్‌ను ఆసీస్‌ కోల్పోవడం కూడా వారిని తీవ్రంగా నిరాశ పరిచింది. ఇక నాల్గో టెస్టులో స్మిత్‌ రాకతో మళ్లీ గాడిలో పడతామని ఆసీస్‌ భావిస్తోంది. తొలి టెస్టులో ఆసీస్‌ గెలవగా, రెండో టెస్టు డ్రా ముగిసింది.

Read latest Sports News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

బీసీసీఐ విరాళం రూ. 51 కోట్లు

ఈ భార‌త క్రికెట‌ర్ రియ‌ల్ హీరో: ఐసీసీ

దక్షిణాఫ్రికా నుంచి అమెరికాకు... 

ఆటగాళ్లూ... మీ స్థానాలు భద్రం 

భారత షాట్‌పుట్‌ క్రీడాకారుడిపై నాలుగేళ్ల నిషేధం 

సినిమా

‘లాక్‌డౌన్‌ కష్టంగా ఉందా.. ఈ వీడియో చూడు’

‘మహానుభావుడు’ అప్పట్లోనే చెప్పాడు!!

క‌రోనా వ‌ల్ల ఓ మంచి జ‌రిగింది: న‌టుడు

అను, అర్జున్‌ల పరిచయం అదిరింది

అంత పెద్ద మొత్తం ఇస్తానన్నపుడు.. : ట్వింకిల్‌

కరోనా ఎఫెక్ట్‌: పెళ్లిపై క్లారిటీ ఇచ్చిన నితిన్‌