సుమీత్‌ నాగల్‌ సంచలనం

25 Aug, 2019 04:54 IST|Sakshi

యూఎస్‌ ఓపెన్‌ మెయిన్‌ ‘డ్రా’కు అర్హత

తొలి రౌండ్‌లో ఫెడరర్‌తో ‘ఢీ’

న్యూయార్క్‌: భారత టెన్నిస్‌ యువతార సుమీత్‌ నాగల్‌ తన కెరీర్‌లోనే గొప్ప ప్రదర్శన చేశాడు. తొలిసారి ఓ గ్రాండ్‌స్లామ్‌ టోర్నీలో మెయిన్‌ ‘డ్రా’కు అర్హత సాధించాడు. టెన్నిస్‌ సీజన్‌ చివరి గ్రాండ్‌స్లామ్‌ టోర్నమెంట్‌ యూఎస్‌ ఓపెన్‌లో ఢిల్లీకి చెందిన 22 ఏళ్ల సుమీత్‌ ప్రధాన ‘డ్రా’లో బెర్త్‌ దక్కించుకున్నాడు. ప్రపంచ ర్యాంకింగ్స్‌లో 190వ స్థానంలో ఉన్న సుమీత్‌ 2 గంటల 27 నిమిషాల పాటు సాగిన క్వాలిఫయింగ్‌ చివరి రౌండ్‌ మ్యాచ్‌ లో 5–7, 6–4, 6–3తో జావో మెనెజెస్‌ (బ్రెజిల్‌)పై గెలుపొందాడు. తొలి సెట్‌ను కోల్పోయి, రెండో సెట్‌లో 1–4తో వెనుకబడిన దశలో సుమీత్‌ అద్భుతంగా పుంజుకున్నాడు. వరుసగా ఐదు గేమ్‌లు గెలిచి సెట్‌ను నెగ్గి మ్యాచ్‌లో నిలిచాడు. నిర్ణాయక మూడో సెట్‌లో సుమీత్‌ పైచేయి సాధించి విజయాన్ని ఖాయం చేసుకున్నాడు. సోమవారం మొదలయ్యే ప్రధాన టోర్నమెంట్‌ పురుషుల సింగిల్స్‌ మెయిన్‌ ‘డ్రా’ తొలి రౌండ్‌లో స్విట్జర్లాండ్‌ దిగ్గజం రోజర్‌ ఫెడరర్‌తో సుమీత్‌ తలపడనున్నాడు. భారత కాలమానం ప్రకారం ఈ మ్యాచ్‌ మంగళవారం ఉదయం జరుగుతుంది.  

1998 తర్వాత...: సుమీత్‌ మెయిన్‌ ‘డ్రా’కు చేరుకోవడంతో... 1998 తర్వాత ఓ గ్రాండ్‌స్లామ్‌ టోర్నీ పురుషుల సింగిల్స్‌ విభాగంలో ఇద్దరు భారత ఆటగాళ్లు మెయిన్‌ ‘డ్రా’లో ఆడనున్నారు. ర్యాంకింగ్‌ ఆధారంగా భారత నంబర్‌వన్‌ ప్రజ్నేశ్‌ గుణేశ్వరన్‌ యూఎస్‌ ఓపెన్‌లో నేరుగా మెయిన్‌ ‘డ్రా’లో చోటు సంపాదించాడు. తొలి రౌండ్‌లో అతను ఐదో సీడ్‌ మెద్వెదేవ్‌ (రష్యా)తో తలపడతాడు. చివరిసారి 1998 వింబుల్డన్‌ టోర్నీ పురుషుల సింగిల్స్‌ మెయిన్‌ ‘డ్రా’లో లియాండర్‌ పేస్, మహేశ్‌ భూపతి రూపంలో ఇద్దరు భారత ఆటగాళ్లు ఈ ఘనత సాధించారు.  

‘‘టెన్నిస్‌ రాకెట్‌ పట్టే ప్రతి ఒక్కరూ ఏనాడైనా ఓ గ్రాండ్‌స్లామ్‌ టోర్నీలో మెయిన్‌ ‘డ్రా’లో ఆడాలని కలలు కంటారు. నా విషయంలోనూ అంతే. యూఎస్‌ ఓపెన్‌ మెయిన్‌ ‘డ్రా’కు అర్హత పొందడంతో చాలా సంతోషంగా ఉన్నాను. ఆర్థర్‌ యాష్‌ స్టేడియం సెంటర్‌ కోర్టులో వేలాది మంది ప్రేక్షకుల నడుమ ఫెడరర్‌లాంటి దిగ్గజంతో తొలి రౌండ్‌ మ్యాచ్‌ ఆడే అవకాశం రావడం నిజంగా అద్భుతం. టెన్నిస్‌లో దేవుడిలాంటివాడైన ఫెడరర్‌తో తలపడే అవకాశం రావాలని ఇటీవలే కోరుకున్నాను. ఇంత తొందరగా నా కోరిక తీరుతుందని అనుకోలేదు. ఈ మ్యాచ్‌ కోసం ఆసక్తితో ఎదురుచూస్తున్నాను.’’
– సుమీత్‌ నాగల్‌ 

Read latest Sports News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

కోహ్లి, రహానే చేతుల్లో...

సింధు... ఈసారి వదలొద్దు

జైట్లీ మరణం.. గంభీర్‌ భావోద్వేగ ట్వీట్‌

నల్ల రిబ్బన్లతో టీమిండియా..

ముగిసిన ప్రణీత్‌ పోరాటం

గెలిచి పరువు నిలుపుకునేనా?

అరుణ్‌ జైట్లీ: క్రికెట్‌తో ఎనలేని అనుబంధం

వారెవ్వా సింధు

‘ఇగో’తో విరాట్‌ కోహ్లి!

‘అది ఆవేశంలో తీసుకున్న నిర్ణయం కాదు’

36 ఏళ్ల తర్వాత....ఇప్పుడు మళ్లీ

‘ఇంకా ఆట ముగిసిపోలేదు’

శ్రీశాంత్‌ ఇంట్లో భారీ అగ్ని ప్రమాదం

సుమీత్‌ నాగల్‌ కొత్త చరిత్ర

బుమ్రా మరో రికార్డు

గౌతమ్ భీకర ఇన్నింగ్స్‌, 134 నాటౌట్‌

చెలరేగిన ఇషాంత్‌

రష్యా జీఎంపై రాజా రిత్విక్‌ గెలుపు

గుజరాత్‌ ఫార్చూన్‌ జెయింట్స్‌ గెలుపు

ఇంగ్లండ్‌ 67కే ఆలౌట్‌

ఇవేం ‘విరుద్ధ ప్రయోజనాలు’...!

‘నాడా’కు షాకిచ్చారు!

మనదే పైచేయి

సింధు, సాయి చరిత్ర

సెమీస్‌కు చేరిన పీవీ సింధు

ట్రంప్‌ను కలిసిన గావస్కర్‌

మీరు తప్పు చేస్తే.. మేము భరించాలా?

మైక్‌ హెసన్‌కు కీలక పదవి

వారిద్దరే క్రికెట్‌ జట్టును నాశనం చేస్తున్నారు!

క్లూసెనర్‌ కొత్త ఇన్నింగ్స్‌

ఆంధ్రప్రదేశ్
తెలంగాణ
సినిమా

కాంబినేషన్‌ కుదిరినట్టేనా?

శంకరాభరణం.. మాతృదేవోభవ లాంటి గొప్ప సినిమా అంటున్నారు

మాది తొలి హాలీవుడ్‌ క్రాస్‌ఓవర్‌ చిత్రం

లైటింగ్‌ + షాడో = సాహో

బిగ్‌బాస్‌.. అషూ ఎలిమినేటెడ్‌!

మీ ఉప్పులో అయోడిన్‌ ఉందా?!