గువాహటి: ఖేలో ఇండియా యూత్‌ గేమ్స్‌లో అండర్‌ –17 బాలుర వెయిట్‌లిఫ్టింగ్‌లో 73 కేజీల విభాగం లో తెలంగాణ వెయిట్‌లిఫ్టర్‌ ధనావత్‌ గణేశ్‌ రజత పతకం గెలిచాడు. అతను మొత్తం 245 కేజీల బరువెత్తి రెండో స్థానంలో నిలిచాడు. అండర్‌–17 బాలుర ఖో–ఖోలో తెలంగాణ జట్టుకు కాంస్యం లభిం చింది. అండర్‌–17 బాలికల వెయిట్‌లిఫ్టింగ్‌ 64 కేజీల విభాగంలో ఆంధ్రప్రదేశ్‌ లిఫ్టర్‌ షేక్‌ మహబూబా చాంద్‌ కాంస్య పతకం గెలిచింది. డాక్టర్‌ వైఎస్‌ఆర్‌ స్పోర్ట్స్‌ స్కూల్‌ (కడప)కు చెందిన మహబూబా మొత్తం 144 కేజీలు బరువెత్తింది.
