మాంచెస్టర్: భవిష్యత్‌లో తనతో పోటీకి ముందు ప్రత్యర్థులు ఆచితూచి మాట్లాడాలని స్టార్ బాక్సర్ విజేందర్ హెచ్చరించాడు. ఆదివారం సామెట్‌తో జరిగిన పోరులో విజేందర్ నాకౌట్ విజయంతో హ్యాట్రిక్ సాధించిన విషయం తెలిసిందే. అయితే ఈ బౌట్‌కు ముందు సామెట్ మాటల యుద్ధం ప్రారంభిస్తూ భారత బాక్సర్ తనకు పోటీయే కాదని, అతడి ఎముకలు విరిచేస్తానని సవాల్ విసిరాడు. ‘ఫైట్‌కు ముందు సామెట్ మాటలతో నేను అద్భుత ప్రదర్శన ఇవ్వాలని భావించాను. అది సాధించాను. సవాల్ విసిరినంతగా అతడి ఆట లేదు. మూడు విజయాలతో ఈ ఏడాదిని ముగించినందుకు ఆనందంగా ఉంది’ అని విజేందర్ అన్నాడు.
