న్యూజిలాండ్‌ 195/7

17 Aug, 2019 05:32 IST|Sakshi

శ్రీలంకతో తొలిటెస్టు

గాలే:  శ్రీలంకతో జరుగుతున్న తొలి టెస్టు రెండో ఇన్నింగ్స్‌లోనూ న్యూజిలాండ్‌ బ్యాట్స్‌మెన్‌ స్పిన్‌కు తలవంచారు. లెఫ్టార్మ్‌ స్పిన్నర్‌ లసిత్‌ ఎంబుల్‌డెనియా (4/71) చెలరేగడంతో మ్యాచ్‌ మూడో రోజు గురువారం ఆట ముగిసే సమయానికి కివీస్‌ 7 వికెట్లకు 195 పరుగులు చేసింది. వికెట్‌ కీపర్‌ వాట్లింగ్‌ (63 నాటౌట్‌) అజేయ అర్ధసెంచరీ చేయగా, లాథమ్‌ (45) రాణించాడు. ధనంజయకు 2 వికెట్లు దక్కాయి. సౌతీ (23)తో కలిసి వాట్లింగ్‌ ఏడో వికెట్‌కు 54 పరుగులు జోడించాడు. ప్రస్తుతం చేతిలో 3 వికెట్లున్న న్యూజిలాండ్‌ 177 పరుగుల ఆధిక్యంలో ఉంది.  అంతకు ముందు ఓవర్‌నైట్‌ స్కోరు 227/7తో ఆట కొనసాగించిన శ్రీలంక మరో 40 పరుగులు జోడించి తొలి ఇన్నింగ్స్‌లో 267 పరుగులకు ఆలౌటైంది. ఫలితంగా ఆ జట్టుకు 18 పరుగుల ఆధిక్యం లభించింది. డిక్‌వెలా (61) హాఫ్‌ సెంచరీ పూర్తి చేసుకోగా, లక్మల్‌ (40) రాణించాడు.  

Read latest Sports News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా