తమిళనాడు, అన్నానగర్‌: కోవైలో ఆదివారం ఓ అపార్ట్‌మెంట్‌ ఆవరణలోని బాత్‌రూంలోకి ఆరడుగుల నాగుపాము చొరబడడం స్థానికంగా కలకలం రేపింది. స్థానికుడు దాన్ని చాకచక్యంగా పట్టుకుని అటవీ ప్రాంతంలో వదిలేశాడు. వివరాలు.. కోవై రామనాథపురం నంజుండాపురం రోడ్డులో ప్రైవేట్‌ అపార్ట్‌మెంట్‌ ఉంది. ఈ ఆవరణలో జనరల్‌ బాత్‌రూమ్‌ ఉంది. అందులోకి ఆదివారం అర్ధరాత్రి 1.30 సమయంలో ఓ మహిళ వెళ్లింది. అపుడు ఓ నాగుపాము కనిపించింది. దాన్ని చూసి ఆ మహిళ దిగ్భ్రాంతి చెందింది. సమాచారం అందుకున్న ఉక్కడమ్‌కి చెందిన పాము పట్టే స్నేక్‌ అమీన్‌ సంఘటనా స్థలానికి వచ్చి దాన్ని పట్టుకుని అటవీ ప్రాంతంలో వదలడంతో స్థానికులు ఊపిరి పీల్చుకున్నారు.
