విజయవాడ: కృష్ణాజిల్లాలో ఎదురెదురుగా వస్తున్న రెండు వాహనాలు ఢీకొన్న ఘటనలో ఇద్దరు మృతిచెందగా... మరో నలుగురికి తీవ్ర గాయాలయ్యాయి. ఈ సంఘటన బాపులపాడు మండలం కోడూరుపాడు వద్ద గురువారం ఉదయం చోటుచేసుకుంది.
హైదరాబాద్ నుంచి కాకినాడ వెళ్తున్న మినీ లారీని ఎదురుగా వస్తున్న మరో మినీ లారీ ఢీకొట్టడంతో అక్కడికక్కడే ఇద్దరు వ్యక్తులు మృతిచెందారు. ఈ ప్రమాదంలో మరో నలుగురికి తీవ్ర గాయాలయ్యాయి. ఇది గుర్తించిన స్థానికులు క్షతగాత్రులను ఆస్పత్రికి తరలించి పోలీసులకు సమాచారం అందించారు. సంఘటనా స్థలానికి చేరుకున్న పోలీసులు మృతదేహాలను పోస్టుమార్టం నిమిత్తం ఆస్పత్రికి తరలించి దర్యాప్తు చేస్తున్నారు. మృతుల వివరాలు తెలియాల్సి ఉంది.
