విజయవాడ: సాంకేతిక కారణాల దృష్ట్యా ముందుగా ప్రకటించిన కోచివేలి –గౌహతి –కోచివేలి ప్రత్యేక రైళ్లను ఈ నెల 26, మార్చి 1వ తేదీన రద్దు చేసినట్లు విజయవాడ రైల్వే డివిజన్‌ ఇన్‌చార్జ్‌ పీఆర్వో జేవీఆర్‌కే రాజశేఖర్‌ శుక్రవారం ఒక ప్రకటనలో తెలిపారు. ఈ నెల 26 వ తేదీన రావాల్సిన కోచివేలి–గువాహటి నంబరు 06336 ప్రత్యేక రైలును, అలాగే నంబర్‌ 06335 గౌహతి-కోచివేలి ప్రత్యేక రైలు (మార్చి1వ తేదీ)ను రద్దు చేసినట్లు ఆయన వివరించారు. ఈ విషయాన్ని ప్రయాణికులు గమనించాలని రాజశేఖర్‌ కోరారు.
