సాక్షి, హైదరాబాద్: ఏపీ వ్యాట్ చట్టాన్ని తెలంగాణ రాష్ట్రానికి బదలాయిస్తూ ప్రభుత్వం బుధవారం ఉత్తర్వులు జారీ చేసింది. జూన్1వ తేదీ వరకు ఉమ్మడి రాష్ట్రంలో కొనసాగిన ఏపీ వ్యాట్ చట్టం-2005ను తెలంగాణ రాష్ట్రానికి అన్వయిస్తూ అమలు చేస్తున్నట్లు ఉత్తర్వు(జీవో నంబర్ 32)ల్లో పేర్కొంది.
ఈ మేరకు ప్రభుత్వం 16న గెజిట్ నోటిఫికేషన్ జారీ చేయనుంది. ఇకపై ‘ఏపీ వ్యాట్ యాక్ట్ - 2005(తెలంగాణ అడాప్షన్) ఆర్డర్, 2014’గా తెలంగాణలో అమలు కానుంది. ఈ చట్టంలో 8వ సెక్షన్ ఐటెం (డి)లో సోయాబీన్ డియోలెడ్ కేక్ అమ్మకాలను ప్రభుత్వం కొత్తగా చే ర్చింది.
