ఎస్‌ఆర్‌నగర్(హైదరాబాద్‌): నిజాయితీ కరవైన ఈ రోజుల్లో ఓ ఆటోవాలా తన నిజాయితీని చాటుకున్నాడు. తాను నడుపుతున్న ఆటోలో ప్రయాణించిన వారి బంగారు ఆభరణాలు ఆటోలో జారిపోయాయి. ఇది గమనించని వారు ఆటో దిగి వెళ్లిపోయారు. తర్వాత వాటిని గమనించిన ఆటో డ్రైవర్‌ మీర్జా మహమూద్‌ ఆరున్నర తులాల బరువున్న ఆ ఆభరణాలను ఎస్‌ఆర్‌ నగర్‌ పోలీసులకు అప్పగించాడు. నిజాయితీ ప్రదర్శించిన ఆటో డ్రైవర్‌ను పోలీసులు అభినందించారు. సీఐ వహిదుద్దీన్‌ ఆయన్నుసన్మానించారు.
