హైదరాబాద్‌కు రాగానే వారంతా క్వారంటైన్‌లోకి..

9 May, 2020 17:02 IST|Sakshi

సాక్షి, హైదరాబాద్‌ : కరోనా లాక్‌డైన్‌ కారణంగా వివిధ దేశాల్లో చిక్కుకుపోయిన భారతీయులను తీసుకొచ్చేందుకు కేంద్రప్రభుత్వం ‘వందేభారత్ మిషన్’ను చేపట్టిన విషయం తెలిసిందే. అయితే ఈమిషన్‌లో భాగంగా కువైట్‌లో చిక్కుకున్న తెలుగువారిని తీసుకువస్తున్న విమానం హైదరాబాద్‌ బయల్దేరింది. 200మంది ప్రయాణికులతో బయల్దేరిన ఆ విమానం శనివారం రాత్రికి శంషాబాద్‌ విమానాశ్రయం చేరుకోనుంది. కువైట్‌ ఎయిర్‌పోర్టులో రెండు వందలమంది ప్రయాణికులు చెక్‌ ఇన్‌ చేసుకున్నారు. (చదవండి : విదేశాల నుంచి వస్తే క్వారంటైన్‌కే..)

ప్రయాణికుల్లో కొందరు తెలంగాణకు చెందినవారు కాగా, మరికొందరు ఆంధ్రప్రదేశ్‌కు చెందినవారు.వీరంతా హైదరాబాద్‌ రాగానే క్వారంటైన్‌లోకి వెళ్లనున్నారు.ఇందుకోసం హోటళ్లు, లాడ్జీలలో ప్రత్యేక ఏర్పాటు చేసిన ప్రభుత్వం రూ. 5 వేల నుంచి రూ. 30 వేల మధ్య ప్యాకేజీలు ప్రకటించింది. ఆ ఖర్చులను ప్రయాణికులే భరించాల్సి ఉంటుంది. పేద కార్మికులను మాత్రం ప్రభుత్వ క్వారంటైన్ కేంద్రాలకు తరలిస్తారు.


 

Read latest Telangana News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు