'కేసీఆర్ది సవతితల్లి ప్రేమ'

హైదరాబాద్: మున్సిపల్ కార్మికులపై తెలంగాణ ముఖ్యమంత్రి కేసీఆర్ది సవతితల్లి ప్రేమ అని సీపీఐ నేత కె.నారాయణ ఆరోపించారు. మున్సిపల్ కార్మికులకు మద్దతుగా శుక్రవారం హైదరాబాద్ నారాయణగూడలో వామపక్ష పార్టీల ఆందోళన చేపట్టాయి. ఈ సందర్భంగా కె.నారాయణ మాట్లాడారు. కార్మికుల డిమాండ్లు పరిష్కరించే వరకు ఆందోళన విరమించమని ఆయన స్పష్టం చేశారు. మున్సిపల్ కార్మికులు చేపట్టిన సమ్మెకు వామపక్ష పార్టీలు మద్దతు తెలిపిన సంగతి తెలిసిందే.