ఆపరేషన్‌ థియేటర్‌లో ‘టిక్‌టాక్‌’ 

24 Feb, 2020 01:54 IST|Sakshi
ఆపరేషన్‌ చేస్తుండగా తీసిన వీడియో

సోషల్‌ మీడియాలో వైరల్‌..

హుజూరాబాద్‌: ప్రభుత్వ ఆస్పత్రి ఆపరేషన్‌ థియేటర్‌లో వైద్యులు టిక్‌టాక్‌ చేసిన వీడియో ఒకటి ఆదివారం సోషల్‌ మీడియాలో వైరల్‌ అయింది. కరీంనగర్‌ జిల్లా హుజూరాబాద్‌ స్థానిక ప్రభుత్వ ఆసుపత్రిలోని ఆపరేషన్‌ థియేటర్‌లో ఓ రోగికి వైద్యులు, సిబ్బంది ఆపరేషన్‌ చేస్తుండగా ‘సార్‌ మేము ప్లేయర్సే.. ఈ ఫుట్‌బాల్‌ ఆట మాకు తెలియదు. కానీ.. మా ఆట దడ.. దడ పుట్టిస్తది’అని ఓ సినిమాలోని డైలాగ్‌తో ఈ వీడియో ఉంది.

అయితే ఈ వీడియోతో తమకేం సంబంధం లేదని హుజూరాబాద్‌ ప్రభుత్వాసుపత్రి ఆర్‌ఎంఓ శ్రీకాంత్‌రెడ్డి పేర్కొన్నారు. కొన్ని అరుదైన శస్త్ర చికిత్సలు, ప్రత్యేకమైన పరిస్థితుల్లోనే తాము వీడియో, ఫొటోలు తీసి రోగి బంధువులకు చూపిస్తామని, అయి తే ఈ వీడియో విషయంలో మామూలుగా తీసిన వీడియోను ఎవరో ఎడిట్‌ చేసి టిక్‌టాక్‌లో పెట్టారన్నారు. ఈ ఘటనపై ఉన్నతాధికారులు విచారణ చేసి చర్యలు తీసుకోవచ్చన్నారు. 

మరిన్ని వార్తలు