‘మున్సిపోల్స్‌’కు ముహూర్తం..! 

30 Nov, 2019 05:54 IST|Sakshi

జనవరి చివరివారంలో నోటిషికేషన్‌ జారీకి అవకాశం

డిసెంబర్‌ తొలివారంలో వార్డుల విభజన ముసాయిదా

షెడ్యూల్‌ను 14 రోజులకు పెంచుతూ నిబంధనల సవరణ

ఉత్తర్వులు జారీ చేయనున్న రాష్ట్ర ప్రభుత్వం

ఫిబ్రవరిలోగా ముగియనున్న ఎన్నికలు

సాక్షి, హైదరాబాద్‌: రాష్ట్రంలో మున్సిపల్‌ ఎన్నికలకు మార్గం సుగమమైంది. రాష్ట్రంలోని 128 మున్సిపాలిటీలు, 13 మున్సిపల్‌ కార్పొరేషన్లకు వచ్చే ఏడాది జనవరి చివరివారం లేదా ఫిబ్రవరి తొలి వారంలో ఎన్నికల నోటిఫికేషన్‌ జారీ అయ్యే అవకాశాలున్నాయి. నోటిఫికేషన్‌ జారీ తేదీ నుంచి దాదాపు 18–20 రోజుల వ్యవధిలోగా ఎన్నికల ప్రక్రియను రాష్ట్ర ఎన్నికల సంఘం పూర్తి చేసే అవకాశముంది. 73 మున్సిపాలిటీల్లో వార్డుల విభజన, రిజర్వేషన్లను ప్రకటిస్తూ ప్రభుత్వం గతంలో జారీ చేసిన నోటిఫికేషన్లను రద్దు చేస్తూ హైకోర్టు శుక్రవారం తీర్పు వెలువరించింది. మళ్లీ వార్డుల విభజనకు ముసాయిదా ప్రకటన జారీచేసి వారం పాటు అభ్యంతరాలు స్వీకరించాలని, ఆ తర్వాత వారంలోగా ఈ అభ్యంతరాలు పరిష్కరించి వార్డుల విభజనకు సంబంధించిన తుది నోటిఫికేషన్‌ను జారీ చేయాలని హైకోర్టు సూచించింది.

అయితే వార్డుల విభజన ప్రక్రియను 7 రోజుల్లో పూర్తి చేయాలని ప్రస్తుతం అమల్లో ఉన్న నిబంధనలు పేర్కొంటున్నాయి. హైకోర్టు ఆదేశాల ప్రకారం ఈ ప్రక్రియను 14 రోజుల్లో పూర్తిచేసేందుకు ప్రభుత్వం నిబంధనలను సవరిస్తూ ఉత్తర్వులు జారీ చేయాల్సిన అవసరం ఏర్పడింది. హైకోర్టు తీర్పు ప్రతి అందిన వెంటనే దీనికి సంబంధించిన ఉత్తర్వులు జారీ కానున్నాయని రాష్ట్ర పురపాలక శాఖ అధికారవర్గాలు తెలిపాయి. తదుపరి డిసెంబర్‌ తొలి వారంలో వార్డుల విభజనకు సంబంధించిన ముసాయిదా ప్రకటన జారీ చేసే అవకాశాలున్నాయి. ఆ తర్వాత 14 రోజుల గడువులోగా ఈ ప్రక్రియను పూర్తి చేయనున్నారు.

ఎస్సీ, ఎస్టీ, బీసీ ఓటర్ల గణన.. 
వార్డుల విభజన అనంతరం ఎన్నికలు జరగాల్సి ఉన్న 141 పురపాలికల్లో రిజర్వేషన్లను ఖరారు చేసే ప్రక్రియను పురపాలికలు చేపట్టనున్నాయి. తొలుత రాష్ట్ర ఎన్నికల సంఘం వార్డుల వారీగా ఓటర్ల జాబితాను ప్రకటించనుంది. అనంతరం వార్డుల వారీగా ఎస్సీ, ఎస్టీ, బీసీ ఓటర్లను గుర్తించేందుకు మున్సిపాలిటీలు ప్రత్యేక డ్రైవ్‌ నిర్వహించనున్నాయి. వారం రోజుల్లో ఈ ప్రక్రియను పూర్తి చేయనున్నాయి. ఆ తర్వాత రెండు మూడు రోజుల్లోగా వార్డుల వారీగా రిజర్వేషన్లను ప్రకటిస్తూ నోటిఫికేషన్లను జారీ చేయనున్నాయి.

వార్డుల విభజన ప్రకటన ఆధారంగా రాష్ట్ర ఎన్నికల సంఘం సైతం పోలింగ్‌ కేంద్రాల జాబితాలను ప్రకటించనుంది. ఈ ప్రక్రియలన్నీ పూర్తికావడానికి దాదాపు నెల రోజులకు పైగా సమయం పట్టే అవకాశముందని అధికారులు అభిప్రాయపడుతున్నారు. రిజర్వేషన్లను ప్రకటించిన రెండు, మూడు రోజులకే ఎన్నికల నోటిఫికేషన్‌ జారీకి రాష్ట్ర ఎన్నికల సంఘం సర్వసన్నద్ధతో ఉంది. 

ఫిబ్రవరి దాటితే మళ్లీ వాయిదే.
మున్సిపల్‌ ఎన్నికలను సాధ్యమైనంత త్వరగా ముగించాలని రాష్ట్ర ప్రభుత్వం భావిస్తోంది. మున్సిపల్‌ ఎన్నికలు ముగిస్తే మరో 4 ఏళ్ల పాటు రాష్ట్రంలో మరెలాంటి ఎన్నికలు వచ్చే అవకాశం లేదు. ఇక మార్చి, ఏప్రిల్‌ నెలల్లో విద్యార్థులకు పరీక్షలు జరుగుతాయి. దీంతో ఎన్నికల నిర్వహణకు వాయిదా వేసుకోవాల్సిన పరిస్థితి తలెత్తవచ్చు. ఈ నేపథ్యంలో వచ్చే ఫిబ్రవరిలోగానే మున్సిపల్‌ ఎన్నికలను నిర్వహించాలని ప్రభుత్వం భావిస్తోంది.

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

పెళ్లి చేసుకోకుంటే చంపేస్తా..

ఆరేళ్ల చిన్నారిపై బాలుడి లైంగికదాడి 

మనసున్న మారాజు కేసీఆర్‌: పల్లా

కాళేశ్వరానికి.... ‘అనంత’ కష్టాలు

పోలీసుల తీరుపై మహిళా కమిషన్‌ అసంతృప్తి 

రూ. 700 కోట్లతో ‘స్కైవర్త్‌’ ప్లాంట్‌

స్కూటీ అక్కడ.. నంబర్‌ ప్లేటు ఇక్కడ

పోలీసుల నిర్లక్ష్యమే కొంపముంచిందా?

సిటీ బస్సులు కుదింపు!

ఉలిక్కిపడ్డ నారాయణపేట

సిటీ, పల్లె వెలుగు కనీస చార్జీ రూ.10

విధులకు 7 నెలల గర్భిణి

రేపు ఆర్టీసీ కార్మికులతో సీఎం కేసీఆర్‌ సమావేశం

శంషాబాద్‌లో మరో ఘోరం

హైకోర్టు సూచనతోనే సమ్మె విరమించాం

బస్సెక్కారు.. బిస్స పట్టారు

28 నిమిషాల్లోనే చంపేశారు!

శంషాబాద్‌లో మరో దారుణం..

ప్రియాంక హత్య; 40 నిమిషాల్లోనే ఘోరం

ఈనాటి ముఖ్యాంశాలు

ప్రియాంకను హత్య చేసింది ఆ నలుగురే: సీపీ సజ్జనార్‌

ఆడపిల్లల తండ్రిగా బాధతో చెబుతున్నా: పొంగులేటి

ప్రియాంక ఇంటి వద్ద ఉద్రిక్తత 

‘ఆర్టీసీని వాడుకుని రాజకీయం చేయలేదు’

ప్రియాంక హత్యపై స్పందించిన రాహుల్‌

తెలంగాణలో మరో భారీ పెట్టుబడి 

ప్రియాంక హత్య కేసు; నిందితుల్లో ఒకడిది లవ్‌మ్యారేజ్‌

ఆర్టీసీ చార్జీల పెంపు: రోజుకు రూ. 2.98 కోట్లు..

ఉదయ్‌ మృతికి నారాయణ యాజమాన్యానిదే బాధ్యత

ఎల్లుండి ఆర్టీసీ కార్మికులతో సీఎం భేటీ

ఆంధ్రప్రదేశ్
తెలంగాణ
సినిమా

బిజీ తాప్సీ

పరిశోధకుడు

శ్రీమన్నారాయణ అందరికీ కనెక్ట్‌ అవుతాడు

లవ్‌ అండ్‌ యాక్షన్‌

సందేశాన్ని కూడా సరదాగా చెబుతాడు

5 సోమవారాలు 5 పాటలు